ന്യു യോർക്ക്: ഫൊക്കാന മെട്രോ റീജിയൻ അവതരിപ്പിക്കുന്ന നടി അനു സിത്താര ടീമിന്റെ ‘ഫൊക്കാന സിനി ഫ്യൂഷൻ 2026’- ഉം മാതൃദിനാഘോഷവും നാളെ (ഞായർ) ന്യു യോർക്ക് എൽമോണ്ടിൽ.
ഫൊക്കാന ഭവന പദ്ധതിയുടെ ധനശേഖരണാർത്ഥമുള്ള സിനി ഫ്യൂഷൻ 2026 ഇതിനകം അമേരിക്കയിലെ വിവിധ നഗരങ്ങളിൽ അവതരിപ്പിക്കുകയും വലിയ ജനപ്രീതി നേടുകയും ചെയ്തു. മൂന്നു മണിക്കൂർ നീണ്ട ഷോയിൽ നൃത്തം, ഗാനങ്ങൾ, മിമിക്രി തുടങ്ങി അത്യന്തം ഹൃദ്യമായ പരിപാടികളാണ് കോർത്തിണക്കിയിരിക്കുന്നത്. ഈ മേഖലയിലെ ഏറ്റവും പ്രഗത്ഭരായ കലാകാരന്മാരാണ് വേദിയിൽ.
കലാപരിപാടി ആസ്വദിക്കുന്നതിനൊപ്പം വീടില്ലാത്തവർക്ക് വീട് നൽകാനുള്ള സേവനപദ്ധതിയുടെ ഭാഗം കൂടി ആകാം. ഈ അവസരം പാഴാക്കരുതെന്ന് ഷോയുടെ സംഘാടകരിലൊരാളായ ഫൊക്കാന നേതാവ് ലീല മാരേട്ട് അഭ്യർത്ഥിച്ചു.
എൽമോണ്ട് ഡി പോൾ മലങ്കര പള്ളി ഓഡിറ്റോറിയത്തിൽ വൈകിട്ട് 5 മണിക്ക് ഷോ തുടങ്ങും.
ഇതുവരെ ടിക്കറ്റ് വാങ്ങിയിട്ടില്ലെങ്കിൽ, ദയവായി വേദിയിൽ ടിക്കറ്റ് വാങ്ങുക അല്ലെങ്കിൽ ഫ്ലയറിൽ പട്ടികപ്പെടുത്തിയിരിക്കുന്ന ഏതെങ്കിലും നമ്പറുകളിൽ ബന്ധപ്പെടുക.
Leave a comment