കട്ടിയുള്ള ആ പഴയ അഞ്ച് രൂപ നാണയം, നമ്മുടെ നാട്ടില് എല്ലാവരുടേയും കൈവശമുണ്ടായിരുന്നതാണ്. എന്നാല് ഇപ്പോള് കട്ടികൂടിയ ആ നാണയം അങ്ങനെ ലഭിക്കാറില്ല. പണ്ട് കൈവശമുണ്ടായിരുന്നവര് സൂക്ഷിക്കുന്നുണ്ടാകാം. എന്നാല് റിസര്വ് ബാങ്ക് ഈ നാണയം ഇപ്പോള് പുറത്തിറക്കുകയോ പുതിയതായി നിര്മ്മിക്കുകയോ ചെയ്യുന്നില്ല. ഇന്ത്യയില് നിന്ന് അനധികൃതമായി കട്ടിയുള്ള അഞ്ച് രൂപ നാണയം കടത്തുന്നത് കണ്ടെത്തിയതോടെയാണ് നിരോധിക്കാന് തീരുമാനിച്ചത്.
ഇന്ത്യയില് നിന്ന് അയല്രാജ്യമായ ബംഗ്ലാദേശിലേക്കാണ് ഈ കട്ടിയുള്ള നാണയങ്ങള് കടത്തിയിരുന്നത്. എന്തിനാണ് ഈ നാണയങ്ങള് ബംഗ്ലാദേശിലേക്ക് കടത്തുന്നത് എന്ന് പിന്നീട് അന്വേഷിച്ചപ്പോള് കണ്ടെത്തിയത് ഇവ ബംഗ്ലാദേശില് എത്തിച്ച ശേഷം ഉരുക്കുകയാണ് എന്നാണ്. ഇവ ഉരുക്കിയ ശേഷം ബ്ലൈഡ് പോലുള്ള മൂര്ച്ചയുള്ള ആയുധം നിര്മിക്കുകയാണ് ചെയ്തിരുന്നത്. ഒരു നാണയത്തില് നിന്ന് അഞ്ച് ബ്ലൈഡുകള് വരെ നിര്മിച്ചെടുക്കാന് കഴിയുമായിരുന്നു.
നാണയം കടത്തിക്കൊണ്ട് പോകുന്ന മാഫിയ ഇന്ത്യയില് വലിയ തോതില് പ്രവര്ത്തിച്ചിരുന്നു. ഭിക്ഷക്കാരില് നിന്ന് പോലും പഴയ അഞ്ച് രൂപ കോയിന് ശേഖരിച്ച് വിദേശത്തേക്ക് കൊണ്ട് പോകുമായിരുന്നു. അന്വേഷണത്തിന് പിന്നാലെ കള്ളത്തരങ്ങള് കൈയോടെ പിടികൂടിയതോടെ പഴയ കട്ടിയുള്ള നാണയത്തിന്റെ നിര്മാണം നിര്ത്താനും റിസര്വ് ബാങ്ക് തീരുമാനിക്കുകയും പിന്നീട് കട്ടി കുറഞ്ഞ അഞ്ച് രൂപ നാണയങ്ങള് പുറത്തിറക്കുകയുമായിരുന്നു.
