ചെന്നൈ:സംഗീത സംവിധായകനും ഗായകനും നടനുമായ എൻ.എ.അലക്സ് (കൊച്ചിൻ അലക്സ്–82) കോടമ്പാക്കം ദയാൽ നഗർ സെക്കൻഡ് സ്ട്രീറ്റിലെ വസതിയിൽ അന്തരിച്ചു. 2 മലയാള സിനിമകളിൽ അഭിനയിച്ചിട്ടുണ്ട്.
കൊച്ചി നെടുംപറമ്പിൽ കുടുംബാംഗമാണ്. നാടക സംഗീത സംവിധാനത്തിലൂടെ പ്രശസ്തനായ അലക്സ്, ഡോ. സിദ്ധൻ, ഡോ. ബാലകൃഷ്ണൻ, വി.പി.രാമചന്ദ്രൻ, സഹദേവൻ മാസ്റ്റർ, സി.എൽ.ജോൺ, മാങ്ങാട്ട് ബാലകൃഷ്ണൻ, ആർട്ടിസ്റ്റ് ഗോപാലകൃഷ്ണൻ, വി.പരമേശ്വരൻ തുടങ്ങിയ ഒട്ടേറെ പ്രമുഖ നാടക കലാകാരോടൊപ്പം പ്രവർത്തിച്ചു.
ഭാര്യ: ലില്ലി.
മക്കൾ: എ.വിമൽ ആന്റണി, എൻ.എ.രാജീവ് സോളമൻ.
മരുമകൾ: ചാരുമതി.
