ഡബ്ലിൻ: അയർലൻഡിലെ ഡബ്ലിൻ ലൂക്കനിൽ മലയാളി യുവാവ് ഹൃദയാഘാതത്തെ തുടർന്ന് അന്തരിച്ചു. ലൂക്കൻ ബാലിയോവൻ അബിഡെയ്ൽ റൈസിലെ രാജു കുര്യാക്കോസിന്റെ മകൻ ബേസിൽ രാജുവാണ് (22) കഴിഞ്ഞ ദിവസം വൈകുന്നേരം അന്തരിച്ചത്. ബൾഗേറിയയിൽ നാലാം വർഷ മെഡിക്കൽ വിദ്യാർഥിയായ ബേസിൽ രാജു ഡബ്ലിനിലെ സ്വന്തം വീട്ടിൽ കഴിഞ്ഞ ദിവസമാണ് അവധിക്കെത്തിയത്.
എറണാകുളം രാമമംഗലം കിഴക്കേ പൊന്നാട്ട് കുടുംബാംഗമാണ്. പിതാവ് രാജു കുര്യാക്കോസ് ഡബ്ലിൻ ഫീനിക്സ് പാർക്കിലും മാതാവ് ലൂസി മാത്യു ചെറി ഓർക്കാർഡ്സ് ഹോസ്പിറ്റലുമാണ് ജോലി ചെയ്യുന്നത്. ഏക സഹോദരി ഡോ. റിയൻസി രാജു (നാവൻ ഔർ ലേഡി ഹോസ്പിറ്റൽ. ഡബ്ലിൻ സെന്റ് ഗ്രീഗോറിയോസ് സിറിയൻ യാക്കോബായ ചർച്ച് ഇടവകാംഗമാണ്. സംസ്കാരം സംബന്ധിച്ച വിവരങ്ങൾ പിന്നീട്.
Leave a comment