ന്യൂയോര്ക്ക്: ന്യൂ യോര്ക്ക് എല്മോന്റില് വെച്ച് നടത്തുന്ന അനു സിത്താര ആന്ഡ് ടീമിന്റെ ഷോയുടെ ടിക്കറ്റ് വിതരണ ഉല്ഘാടനം മെയിന് സ്പോണ്സര് ആയ തോമസ് സഖറിയക്കു ടിക്കറ്റ് നല്കി ലീല മാരേട്ട് നിര്വഹിച്ചു. ഫൊക്കാന ട്രസ്റ്റീ സെക്രട്ടറി ബിജു ജോണ്, റീജണല് വൈസ് പ്രസിഡന്റ് ലാജി തോമസ്, ഡോണ് തോമസ് എന്നിവരും പങ്കെടുത്തു.
ചിരിക്കാനും ചിന്തിക്കാനുമുള്ള സ്ക്രിപ്റ്റുകളും തമാശകളും കൊണ്ട് കാണികളെ പ്രകമ്പനം കൊള്ളിക്കുന്ന നൃത്ത, സംഗീത പരിപാടിയുമായി അനു സിത്താരയുടെ പത്തു അംഗ ടീം മെയ് 10 ഞായറാഴ്ച വൈകിട്ട് @5.00 PM നു സിറോ മലങ്കര കാത്തലിക്ക് ഓഡിറ്റോറിയത്തില് മായാജാലം സൃഷ്ടിക്കുബോള് (1510 Depaul Street , Elmont , NY 11003) നിങ്ങള്ക്കു ഏവര്ക്കും ഇതിലേക്ക് സ്വാഗതം.
സ്കൂള് കലോല്സവ വേദികളിലൂടെ ശ്രദ്ധിക്കപ്പെട്ട നര്ത്തകിയായി സിനിമയിലെത്തിയ നടി അനു സിത്താര, ഏഷ്യാനെറ്റിലെ ബഡായി ബംഗ്ലാവിലൂടെ പ്രേക്ഷകരുടെ മനം കവര്ന്ന മോഡലും ടെലിവിഷന് അവതാരകയും നടിയുമായ ആര്യ, അനുഗ്രഹീത ഗായകന് വിപിന് സേവ്യര്, ടെലിവിഷന് ഷോകളിലൂടെ മികച്ച പ്രകടനം കാഴ്ചവയ്ക്കുന്ന മിമിക്രി കലാകാരന് രാജേഷ് അടിമാലി, എന്നിവര്ക്കൊപ്പം കാര്ത്തിക, സുനുല് പാറയ്ക്കല്, അഖില് കവലിയൂര്, റോണി റാഫേല്, ജസ്റ്റിന് പോള് തുടങ്ങിയവരും അണിനിരക്കുന്ന മെഗാ ഷോ ആണ് ‘സിനി ഫ്യൂഷന്-2026’.
ഫൊക്കാനയുടെ ഭവന നിര്മാണ പദ്ധതിക്ക് തുക സമാഹരിക്കാനാണ് പ്രമുഖ ചലചിത്ര പ്രതിഭകള് ഉള്പ്പെടെയുള്ളവരെ അണിനിരത്തി മെഗാ ഷോ സിനി ഫ്യൂഷന്-2026′ അരങ്ങേറുന്നത് .
അമേരിക്കൻ മലയാളികളുടെ ഇടയിൽ സുപരിചിതനായ തോമസ് സക്കറിയ (സുജിത് മൂലയിൽ ) Index Wealth Solution INC , ഈ ഷോയുടെ മെയിൻ സ്പോൺസർ ആണ്.
കൂടുതൽ വിവരങ്ങൾക്ക് : ലീല മാരേട്ട് : 646-539-8443
ബിജു ജോൺ :516-445-1873
നിങ്ങളെ ഓരോരുത്തരെയും ഈ ഷോ കാണുവാൻ വേണ്ടി വിനീത പൂർവ്വം ക്ഷണിക്കുന്നതായി റീജണൽ വൈസ് പ്രസിഡന്റ് ലാജി തോമസ് അറിയിച്ചു.
