പത്തനംതിട്ട : വേള്ഡ് പീസ് മിഷന് നിര്മ്മിച്ച പത്താമത് ഭവനം പത്തനംതിട്ടയില് പൂര്ത്തിയായി. അതി ദരിദ്രരായ വിധവകള്ക്ക് സംരക്ഷണ സഹായമായി കേരളത്തിലെ 14 ജില്ലകളിലും 10 വീടുകള് വീതം 140 വീടുകളാണ് പണിത് നല്കുന്നത്. വേള്ഡ് പീസ് മിഷന് അംഗങ്ങളും, കുടുംബയോഗങ്ങളും, അഭ്യുദയകാംഷികളും സ്പോണ്സര് ചെയ്താണ് ഓരോ വീടുകളും നിര്മ്മിക്കുന്നത്. കഴിഞ്ഞ വര്ഷം മാര്ച്ചില് തിരുവനന്തപുരം കാട്ടാക്കടയിലാണ് അദ്യ ഭാവനത്തിന്റെ നിര്മ്മാണം ആരംഭിച്ചത്.
വേള്ഡ് പീസ് മിഷന് ട്രസ്റ്റി ശ്രീ.ബിജോയ് ചെറിയാന് ശ്രീമതി. ദീപയ്ക്ക് താക്കോല് നല്കി ഭവനം കൈമാറി. വേള്ഡ് പീസ് മിഷന് ചെയര്മാന് ഡോ.സണ്ണി സ്റ്റീഫനും, പത്തനംതിട്ട മുന് മുന്സിപ്പല് ചെയര്പേഴ്സണ് ശ്രീമതി. റോസ്ലിന് സന്തോഷും ചേര്ന്ന് ഭവന പ്രവേശന കര്മ്മം നിര്വഹിച്ചു, ദീപം തെളിയിച്ചു.
അമേരിക്കയിലെ പ്രമുഖ വ്യവസായിയും ഫോമ മുന് പ്രസിഡന്റും, അറിയപ്പെടുന്ന ജീവകാരുണ്യ പ്രവര്ത്തകനും, ഈ വര്ഷത്തെ വേള്ഡ് പീസ് അക്കാദമി അവാര്ഡ് ജേതാവുമായ (ഹ്യൂമാനിറ്റേറിയന് ) ശ്രീ. ജോണ് ടൈറ്റസും, കുസുമം ടൈറ്റസുമാണ് നിര്മ്മാണ ചെലവുകള് സ്പോണ്സര് ചെയ്തത്.
വേള്ഡ് പീസ് മിഷന്റെ പതിനൊന്നാമത് ഭവനം ആലപ്പുഴ ജില്ലയില് മാമ്പുഴക്കരിയില് ഏപ്രില് 9ന് തറക്കല്ലിടും.
Email :wpmissionofficial@gmail.com
Mob:+91 944 715 4999
Website :www.worldpeacemission.net
Report : സ്നേഹ സാബു
