ചിക്കാഗോ: ക്നാനായ റീജിയൻ്റെ സീനിയർ മിനിസ്ട്രിയുടെ ഫോറോനാ തല സംഗമം ഫെബ്രുവരി 21 ന് ചിക്കാഗോ സേക്രഡ് ഹാർട്ട് ഫൊറോന പള്ളിയിൽ വെച്ച് നടന്നു. ഷിക്കാഗോയിലെസെൻ്റ് മേരീസ് ഇടവകയിലെയും സേക്രഡ് ഹാർട്ട് ഇടവകയിലെയും ഡിട്രോയിറ്റ് സെൻ്റ്. മേരിസ് ഇടവകയിലെയും 150 ഓളം സീനിയർ സിറ്റിസൻസ് ഈ സംഗമത്തിൽ പങ്കെടുത്തു.
സീനിയർമിനിസ്ട്രിയുടെ ചിക്കാഗോ ഫൊറോനാ ഡയറക്ടർ ഫാ. ജോസഫ് തറയ്ക്കൽ, ക്നാനായ റീജയൻ ഡയറക്ടർ ഫാ. തോമസ് മുളവനാൽ, സേക്രഡ് ഹാർട്ട് ഇടവക വികാരി ഫാ. എബ്രഹാം കാരിക്കൽ, കുര്യൻ നെല്ലാമറ്റം, തോമസ് കുന്നുംപുറത്ത് എന്നിവരുടെ നേതൃത്വത്തിൽ ചിക്കാഗോ സേക്രഡ് ഹാർട്ട് ഫൊറോന എക്സിക്യൂട്ടീവ് കമ്മിറ്റിയാണ് ഈ സംഗമത്തിൻ്റെ ക്രമീകരണങ്ങൾക്ക് നേതൃത്വം കൊടുത്തത്.
ഈ സംഗമത്തിൽ പങ്കെടുത്ത എല്ലാവർക്കും സൗഹൃദം പങ്കുവയ്ക്കാനും ഇടവകതലത്തിലും ഫൊറോനാ തലത്തിലും മുതിർന്നവർക്ക് ചെയ്യാനാവുന്ന ശുശ്രൂഷാമേഖലകളെക്കുറിച്ച് അഭിപ്രായങ്ങൾ പങ്കുവയ്ക്കാനും നാല് മണിക്കൂർ നീണ്ടുനിന്ന യോഗത്തിലെ സെഷനുകളിലൂടെ കഴിഞ്ഞു. ഫൊറോന കമ്മിറ്റി അംഗങ്ങളായി മാത്യു ചെരുവിൽ (ഫൊറോന പ്രസിഡന്റ്), ജോയ് വാച്ചാച്ചിറ (വൈസ് പ്രസിഡന്റ്), മേയാമ്മ വെട്ടിക്കാട്ട് (സെക്രട്ടറി), മേഴ്സി ചകിരിയാംതടം (ജോയിന്റ് സെക്രട്ടറി), കുഞ്ഞച്ചൻ കുളങ്ങര (ട്രഷറർ), തോമസ് നെടുവാമ്പുഴ (എക്സിക്യുട്ടിവ് മെമ്പർ), ജേക്കബ് പ്ലാംപറമ്പിൽ (എക്സിക്യുട്ടിവ് മെമ്പർ), സ്ററീഫൻ പാറയിൽ (എക്സിക്യുട്ടിവ് മെമ്പർ) എന്നിവരെ തിരഞ്ഞെടുത്തു.
ആദ്യത്തെ ഫൊറോന സമ്മേളനം സംഘടിപ്പിക്കുന്നതിൽ കഠിനാധ്വാനം ചെയ്തതിനും അത് വൻ വിജയമാക്കിത്തീർത്തതിനും ഷിക്കാഗോ സേക്രഡ് ഹാർട്ട് ചർച്ച് ടീമിന് സീനിയർ മിനിസ്ട്രി ഫൊറോനാ ഡയറക്ടർ ഫാ. ജോസഫ് തറയ്ക്കൽ പ്രത്യേകം നന്ദി അർപ്പിച്ചു.
Leave a comment