ഹ്യൂസ്റ്റൺ: ഹ്യൂസ്റ്റൺ പെന്തക്കോസ്തൽ ഫെലോഷിപ്പ് (HPF) സംഘടിപ്പിക്കുന്ന വാർഷിക കൺവെൻഷൻ 2026 ഫെബ്രുവരി 20, 21, 22 തീയതികളിൽ സ്റ്റാഫോർഡിലുള്ള Living Waters Christian Church ൽ (845 Staffordshire Rd, Stafford, TX 77477) നടക്കും.
വെള്ളിയാഴ്ച, ഫെബ്രുവരി 20-ന് വൈകിട്ട് 6:30 മുതൽ 9:00 വരെ ഉദ്ഘാടന സമ്മേളനം നടക്കും. ശനിയാഴ്ച, ഫെബ്രുവരി 21-ന് വൈകിട്ട് 6:00 മുതൽ 9:00 വരെയും, ഞായറാഴ്ച, ഫെബ്രുവരി 22-ന് രാവിലെ 9:00 മുതൽ സംയുക്ത ആരാധനാ ഉണ്ടായിരിക്കും. ഫെബ്രുവരി 21-ന് രാവിലെ 10:00 മുതൽ 12:00 വരെ വനിതാ സമ്മേളനവും ക്രമീകരിച്ചിട്ടുണ്ട്.
Church of God World Missions-ന്റെ Asia/Pacific Field Director ആയ റവ്. ആൻഡ്രൂ ബിൻഡ, ഇന്ത്യയിൽ നിന്നുള്ള പാസ്റ്റർ റോയ് മാർക്കാര, ബഹ്റൈനിൽ നിന്നുള്ള ഡോ. സൂസൻ തോമസ് എന്നിവർ മുഖ്യ പ്രസംഗകരായി പങ്കെടുക്കും. HPF പ്രസിഡന്റ് പാസ്റ്റർ മാത്യു കെ. ഫിലിപ്പ് ഉദ്ഘാടനം നിർവഹിക്കും. ആരാധനയ്ക്ക് HPF Choir നേതൃത്വം നൽകും.
കൺവെൻഷന്റെ സുഗമമായ നടത്തിപ്പിനായി പാസ്റ്റർ മാത്യു കെ. ഫിലിപ്പ് (President), പാസ്റ്റർ ബൈജു തോമസ് (Vice President), ഡോ. സാം ചാക്കോ (Secretary), ബ്ര. ജയ്മോൻ തങ്കച്ചൻ (Treasurer), ഡാൻ ചെറിയാൻ (Worship Coordinator), ജോൺ മാത്യു (Mission & Charity), പാസ്റ്റർ മാത്യു ജോൺ പൂമൂട്ടിൽ (Prayer & Care), ഫിന്നി രാജു ഹ്യൂസ്റ്റൺ (Media), സ്റ്റീഫൻ സാമുവൽ (Hindi Song Coordinator) എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിക്കുന്നു.
ഹ്യൂസ്റ്റണിലും സമീപ പ്രദേശങ്ങളിലുമായി പ്രവർത്തിക്കുന്ന 16 സഭകളുടെ സംയുക്ത സഹകരണത്തോടെ നടക്കുന്ന ഈ ആത്മീയ സമ്മേളനം വിശ്വാസികളുടെ ആത്മീയ നവീകരണത്തിനും ഐക്യത്തിനും വേദിയാകുമെന്ന് സംഘാടകർ അറിയിച്ചു.
കൂടുതൽ വിവരങ്ങൾക്ക്:
Pr. Mathew K. Philip – (281) 736-6008
Dr. Sam Chacko – (609) 498-4823
Report ഫിന്നി രാജു, ഹ്യൂസ്റ്റൺ
Leave a comment