സ്മിത ഹരിദാസ് മന്ത്ര കള്‍ച്ചറല്‍ ചെയര്‍

ന്യൂയോര്‍ക് : മന്ത്ര ശക്തേയം 2027ന്റെ നാഷണല്‍ കള്‍ച്ചറല്‍ ചെയര്‍ ആയി സ്മിതാ ഹരിദാസിനെ തിരഞ്ഞെടുത്തു.

സ്മിതാ ഹരിദാസ് വടക്കേ അമേരിക്കയിലെ ഹിന്ദു, ഇന്ത്യന്‍ സാംസ്‌കാരിക വലയങ്ങളില്‍ വളരെ പ്രശസ്തയായ നര്‍ത്തകി, മോഡല്‍, നടി, സ്റ്റേജ് പെര്‍ഫോമര്‍, ഓര്‍ഗനൈസര്‍ എന്നിങ്ങനെ ബഹുമുഖ മേഖല കളില്‍ കഴിവ് തെളിയിച്ച വ്യക്തി ത്വം അവര്‍ MITRAHSന്റെ ഡാന്‍സ് ഡയറക്ടര്‍ ആണ്. കഴിഞ്ഞ 15 വര്‍ഷങ്ങളായി വടക്കേ അമേരിക്കയിലെ വിവിധ ഹിന്ദു അസോസിയേഷനുകളിലെ സാംസ്‌കാരിക പരിപാടികളുടെ ഓര്‍ഗനൈസിംഗിലും പെര്‍ഫോമന്‍സിലും അവര്‍ നിര്‍ണായക പങ്കുവഹിച്ചിട്ടുണ്ട്.

അവര്‍ ചെറിയ ചിത്രങ്ങളിലും (short films) അഭിനയിച്ചിട്ടുണ്ട്, കൂടാതെ ഒരു അന്താരാഷ്ട്ര ആഭരണ ശൃംഖലയുടെ (international jewelry chain) പരസ്യങ്ങളില്‍ പ്രധാന സാന്നിധ്യമായി നിന്നിട്ടുണ്ട്. 

ഹിന്ദു ഡയസ്‌പോറയെ – പ്രത്യേകിച്ച് യുവതലമുറയായ മില്ലെനിയല്‍സിനെയും ജെന്‍ Zയെയും – അവരുടെ ആത്മീയവും സാംസ്‌കാരികവുമായ വേരുകളുമായി ബന്ധിപ്പിക്കുന്നതില്‍ സ്മിതാ അര്‍പ്പണബോധത്തോടെ പ്രവര്‍ത്തിച്ചു വരുന്നു .  NJ-ലെ MITRAHS ഫെസ്റ്റിവലില്‍ ഇന്ത്യന്‍ ചരിത്രത്തെക്കുറിച്ചുള്ള മൂന്ന് മണിക്കൂര്‍ പരിപാടി അവര്‍ നയിച്ച് അവതരിപ്പിച്ചു. എപ്പിക് രാമായണവും, നട്യാചാര്യന്‍ RLV ആനന്ദിന്റെ മേല്‍നോട്ടത്തില്‍ ആദ്യമായി കുരുക്ഷേത്രയുടെ നൃത്ത അവതരണവും നടത്തി.

ഇന്ത്യ, യുഎഇ, യുഎസ് എന്നിവിടങ്ങളിലായി നൂറുകണക്കിന് വേദികളില്‍ അവര്‍ പെര്‍ഫോം ചെയ്തിട്ടുണ്ട്. കുട്ടിക്കാലത്ത് പ്രശസ്ത അധ്യാപികയായ കലാമണ്ഡലം സരസ്വതിയുടെ കീഴില്‍ പരിശീലനം നേടി.
കോഴിക്കോട് (കേരളം) ജനിച്ച് അബുദാബിയില്‍ വളര്‍ന്ന സ്മിത 1998-ല്‍ ഭര്‍ത്താവായ ഡോ. ജയകുമാറിനോടൊപ്പം അമേരിക്കയിലേക്ക് താമസം മാറി. എഞ്ചിനീയറിംഗ് തൊഴില്‍പരിചയമുള്ള സ്മിത ഇപ്പോള്‍ ന്യൂയോര്‍ക്കിലെ ഡച്ചസ് കൗണ്ടിയിലെ അഫോര്‍ഡബിള്‍ ഹൗസിംഗ് പ്രോജക്ടിന്റെ തലവനാണ്. സ്മിതയ്ക്കും ജയിക്കും ഗായത്രിയും കേശവ് എന്ന രണ്ട് മക്കളുണ്ട്.

ശക്തേയം 2027-ലേ ക്കുള്ള അതിഗംഭീരമായ സാംസ്‌കാരിക യാത്രയ്ക്ക് സ്മിതാ ഹരിദാസിന്റെ നേതൃത്വം ഏറെ പ്രചോദനം നല്‍കുമെന്ന് പ്രസിഡന്റ് കൃഷ്ണരാജ് മോഹനന്‍ പ്രത്യാശ പ്രകടിപ്പിച്ചു.

Report രഞ്ജിത് ചന്ദ്രശേഖര്‍