ന്യൂയോർക്ക്: അമേരിക്കയിലെ മലയാളി കായിക പ്രേമികളുടെ ആവേശമായ കേരള ക്രിക്കറ്റ് ലീഗ് യുഎസ്എ (KCL USA) പത്താം വാർഷികനിറവിൽ. ഒരു പതിറ്റാണ്ട് കാലത്തെ വിജയകരമായ പ്രയാണത്തിന്റെ സ്മരണ പുതുക്കിക്കൊണ്ട് കെ.സി.എൽ യുഎസ്എയുടെ പത്താം വാർഷികവും ‘ ഫാമിലി നൈറ്റ് ആൻഡ് അവാർഡ് സെറിമണി’യും ജനുവരി 24-ന് ന്യൂയോർക്കിലെ ‘ന്യൂ സിതാർ പാലസിൽ’ വെച്ച് നടക്കും.
ജനുവരി 24 ശനിയാഴ്ച വൈകുന്നേരം ഓറഞ്ച് ബെർഗ് ന്യൂ സിതാർ പാലസിൽ (New Sitar Palace 38 Orangetown Shopping Center, Orangeburg, NY 10962) നടക്കുന്ന ചടങ്ങിൽ കായിക താരങ്ങൾ, കുടുംബാംഗങ്ങൾ, കമ്മ്യൂണിറ്റി നേതാക്കൾ, സ്പോൺസർമാർ തുടങ്ങി വലിയൊരു നിര പങ്കുചേരും. കഴിഞ്ഞ പത്ത് വർഷത്തെ മികച്ച പ്രകടനങ്ങളെ ആദരിക്കാനും നേട്ടങ്ങൾ ആഘോഷിക്കാനും ഓർമ്മകൾ പുതുക്കാനും ഇവിടെ വേദിയൊരുങ്ങും.
ഈ കൂട്ടായ്മയിൽ പങ്കെടുക്കാൻ എല്ലാരേയും ക്ഷണിക്കുന്നതായി പ്രസിഡന്റ് ജോജോ കൊട്ടാരക്കര അറിയിച്ചു .(Powered By Eventgram USA), (SPECTRUM AUTO). കഴിഞ്ഞ പത്ത് വർഷത്തെ വളർച്ചയിൽ കൂടെനിന്ന എല്ലാവർക്കും പ്രസിഡന്റ് നന്ദി അറിയിച്ചു.
കെ.സി.എൽ യുഎസ്എ ഇന്ന് അമേരിക്കയിലെ മലയാളി യുവാക്കൾക്കിടയിൽ ക്രിക്കറ്റ് എന്ന കായിക വിനോദത്തിലൂടെ ഒരുമയുടെയും സൗഹൃദത്തിന്റെയും വേദിയൊരുക്കി വളർന്നു കഴിഞ്ഞു .
