വൈസ്‌മെൻ ഇൻറ്റെർനാഷണൽ ക്ലബ്ബിന്റെ പുതിയ ക്ലബ്ബ് ന്യൂയോർക്കിൽ

ഓറഞ്ചുബെർഗ്  ന്യൂയോർക്ക്:  വൈസ്‌മെൻ ഇൻറ്റെർനാഷണൽ ക്ലബ്ബിന്റെ പുതിയ ക്ലബ്ബ് വൈ സർവിസ് ക്ലബ്ബ് ഓഫ് ന്യൂയോർക്ക് – റോക്‌ലാൻഡ് ചാർട്ടർ ചെയ്യപ്പെടുന്നു. യൂ.എസ്. ഏരിയയുടെ കീഴിൽ ഏഴു റീജിയനുകളാണ് വൈസ്‌മെൻ ഇൻറ്റെർനാഷണനലിന് ഉള്ളത്. പുതിയ ക്ലബ്ബ് നോർത്ത് അറ്റ്ലാന്റിക് റീജിയനു കീഴിലാണ് പ്രവർത്തിക്കുക. YMCA യുടെ സന്നദ്ധ സംഘടനായ വൈസ്‌മെൻ ഇൻറ്റെർനാഷണൽ ക്ലബ്ബ് നൂറുവർഷത്തിലേറെയായി സാമൂഹിക വിഷയങ്ങളിൽ YMCA യുടെ കൈത്താങ്ങായി പ്രവർത്തിക്കുന്നു. ന്യൂയോർക്കിൽ നിരവധി ക്ലബുകൾ നിരന്തരം മാനുഷീക വിഷയങ്ങളിൽ ഇടപെട്ടുകൊണ്ടിരിക്കുന്നു. ലോകം വലിയ വെല്ലുവിളികൾ നേരിടുമ്പോഴും, ഒരു ചെറിയ കൂട്ടം സന്നദ്ധ പ്രവർത്തകർ പുതിയ തലമുറയുടെ മാനുഷീക പരിഗണനക്കു പ്രാധാന്യം നൽകുകയും, പുതിയ തലമുറയ്ക്കു മാർഗദർശനമാകുകയും ചെയ്യുകയാണ്.

വൈ സർവിസ് ക്ലബ്ബ് ഓഫ് ന്യൂ യോർക്ക് റോക്‌ലാൻഡ് എന്ന ക്ലബ്ബ് ഡിസംബർ 26, 2025 നു ചാർട്ടർ ചെയ്യപ്പെടും. ഓറഞ്ച്ബർഗിലെ സിത്താർ പാലസ് റെസ്റ്റോറന്റിൽ വച്ചു വൈകുന്നേരം 6 മണിക്ക് നടത്തപ്പെടുന്ന ചടങ്ങിൽ ക്ലബ്ബ് പ്രെസിഡന്റായി പോൾ കറുകപ്പള്ളിയും, സെക്രട്ടറിയായി അലക്സ് തോമസും ട്രെഷററായി നോഹ ജോർജ്ജും ചുമതലയേൽക്കും. യൂ .എസ് ഏരിയ പ്രസിഡന്റ് ജോസഫ് കാഞ്ഞമലയും , നോർത്ത് അറ്റ്ലാന്റിക് റീജിയൻ ഡയറക്ടർ ജോർജ് കെ .ജോണും പുതിയ ഭാരവാഹികളെ ചുമതല ഏൽപ്പിക്കും.  

Report കോരസൺ വർഗീസ്