ഓറഞ്ച്ബർഗ്, ന്യു യോർക്ക്: ഏഷ്യൻ സമൂഹത്തിനു വലിയ സ്വാധീനമുള്ള റോക്ക് ലാൻഡ് കൗണ്ടിയിൽ ഏഷ്യൻ അമേരിക്കൻസ് ഓഫ് റോക്ക് ലാൻഡ് (അമോർ) വീണ്ടും പ്രവർത്തന മേഖലയിലേക്ക്.
മാനി സാഞ്ചസ് എന്ന ഫിലിപ്പിനോ കമ്യുണിറ്റി ലീഡറുടെ നേതൃത്വത്തിൽ സംഘടന റോക്ക് ലാൻഡിലെ രാഷ്ട്രീയ സാമൂഹിക രംഗത്ത് മികച്ച പ്രവർത്തനങ്ങൾ നടത്തിയിരുന്നു. പി.ടി. തോമസ് അന്ന് സെക്രട്ടറിയായി പ്രവർത്തിച്ചിരുന്നു. പോൾ കറുകപ്പള്ളി, വർഗീസ് ഉലഹന്നാൻ, തുടങ്ങിയവരും സംഘടനയിൽ സജീവമായിരുന്നു.
പിന്നീട് പ്രവർത്തനം നിലച്ച സംഘടനയെ പുനരുജ്ജീവിപ്പിക്കാൻ സാഞ്ചസിന്റെ പുത്രൻ മാർക്ക് സാഞ്ചസ് ആണ് മുൻ കൈ എടുത്തത്. മലയാളി സമൂഹത്തിൽ നിന്ന് നോഹ ജോർജ് പിന്തുണയുമായെത്തി.
പേൾ റിവർ ഹിൽട്ടനിൽ സംഘദനയുടെ ആഭിമുഖ്യത്തിൽ നടത്തിയ ഹോളിഡേ പാർട്ടിയിൽ കൗണ്ടി എക്സിക്യു്റ്റിവ് എഡ് ഡേ, സ്റ്റേറ്റ് സെനറ്റർ ബിൽ വെബർ, ക്ലാർക്സ്ടൗൺ സൂപ്പർ വൈസർ ജോർജ് ഹോമാൻ, റോക്ക് ലാൻഡ് കൗണ്ടി ലെജിസ്ളേറ്റർ ഡോ. ആനി പോൾ, കൗണ്ടി ക്ലാർക്ക് ഡോണാ സിൽബർമാൻ, ജഡ്ജിമാർ തുടങ്ങിയവർ പങ്കെടുക്കുകയും ആശംസകൾ നേരുകയും ചെയ്തു.
പി.ടി. തോമസ് സംഘടനയുടെ മുൻകാല പ്രവർത്തനം അനുസ്മരിക്കുകയും ഇലക്ഷൻ രംഗത്തും മറ്റും ഏഷ്യക്കാർ ഒരുമിച്ച് നിന്ന് പ്രവർത്തിക്കേണ്ടതിന്റെ ആവശ്യകത ചൂണ്ടിക്കാട്ടുകയും ചെയ്തു. പോൾ കറുകപ്പള്ളി, ജോർജ് ജോൺ കല്ലൂർ, അലക്സ് എബ്രഹാം, ടോം നൈനാൻ, അലക്സ് തോമസ്, ലൈസി അലക്സ്, ഫിലിപ്പോസ് ഫിലിപ്, വർഗീസ് ഉലഹന്നാൻ, അജി കളീക്കൽ തുടങ്ങി ഒട്ടേറെ മലയാളികൾ പങ്കെടുത്തു.
Leave a comment