ന്യൂഡൽഹി: നിർമിത ബുദ്ധി (എ ഐ) രംഗത്തെ മത്സരം കടുപ്പിക്കുന്നതിൻ്റെ ഭാഗമായി ഗൂഗിൾ തങ്ങളുടെ ഏറ്റവും പുതിയ റീസണിങ് മോഡലായ ‘ജെമനൈ 3 ഡീപ് തിങ്ക്’ (Gemini 3 Deep Think) പുറത്തിറക്കി. ഓപ്പൺ എ ഐ പോലുള്ള എതിരാളികൾക്ക് മുന്നിൽ ആദ്യഘട്ടത്തിൽ പിന്നോട്ട് പോയെങ്കിലും, എ ഐ മേഖലയിലും ഒന്നാമനാകാനുള്ള ഗൂഗിളിൻ്റെ ശക്തമായ നീക്കമാണിത്.
ആഴത്തിലുള്ള അനലിറ്റിക്കൽ, മൾട്ടി-സ്റ്റെപ്പ് റീസണിങ് ജോലികൾ കൂടുതൽ കൃത്യതയോടെ നിർവഹിക്കാൻ സാധിക്കുന്ന മോഡലാണിതെന്ന് ഗൂഗിൾ അവകാശപ്പെടുന്നു. അതിവൈദഗ്ധ്യമുള്ള മനുഷ്യർ നിർവഹിക്കുന്ന ജോലികൾ ഇനി ജെമനൈ 3 ഡീപ് തിങ്ക് ചെയ്യുമെന്നാണ് കമ്പനിയുടെ വാദം.
ജെമനൈ 3 ഡീപ് തിങ്കിൻ്റെ പ്രത്യേകതകൾ
ഒരേസമയം നിരവധി റീസണിങ് ജോലികൾ സമാന്തരമായി ചെയ്യാനും, ഉത്തരത്തിൻ്റെ ഒന്നിലധികം സാധ്യതകൾ നൽകാനും ഡീപ് തിങ്കിന് കഴിയും.
- മികച്ച പ്രകടനം: നിലവിലെ എ ഐ റീസണിങ് മോഡലുകളെക്കാൾ പ്രകടനത്തിൻ്റെ കാര്യത്തിൽ ഡീപ് തിങ്ക് മുന്നിട്ട് നിൽക്കുമെന്നാണ് ടെക് വൃത്തങ്ങൾ പറയുന്നത്.
- യഥാർഥ ലോക ടാസ്കുകൾ: ഇതുവരെ നിർമ്മിച്ചതിൽ ഏറ്റവും മികച്ച റീസണിങ് സിസ്റ്റമാണിത്. ചാറ്റ് അടിസ്ഥാനത്തിലുള്ള നിലവിലെ എ ഐ മോഡലുകൾക്ക് പകരം, യഥാർഥ ലോകത്തെ ശാസ്ത്രീയ-വിശകലന ടാസ്കുകൾ ഇത് പരിഹരിക്കും.
- ഉപയോഗരീതി: വലിയ തുക അടയ്ക്കുന്ന സബ്സ്ക്രൈബർമാർക്ക് ജെമനൈ ആപ്പിലെ പ്രോംപ്റ്റ് ബാറിൽനിന്ന് ‘Deep Think’ മോഡ് തിരഞ്ഞെടുത്ത്, മോഡലായി Gemini 3 Pro സെലക്ട് ചെയ്താൽ ഈ ഫീച്ചർ ഉപയോഗിക്കാം.
- ഫലം: ലളിതമായ ചോദ്യങ്ങൾ മുതൽ അതിസാങ്കേതിക പ്രശ്നങ്ങൾക്ക് വരെ കൂടുതൽ ആഴത്തിൽ ചിന്തിച്ചുള്ള മറുപടികൾ ഇതിൽനിന്ന് ലഭിക്കും. ഈ മോഡ് എല്ലാ ഉപകരണങ്ങളിലും തടസ്സമില്ലാതെ പ്രവർത്തിക്കും.
Leave a comment