ബംഗളൂരു: പരുത്തിപ്പാടത്തിൽ കണ്ണേറ് തട്ടാതിരിക്കാൻ നടി സണ്ണി ലിയോണിൻ്റെ വലിയ പോസ്റ്റർ സ്ഥാപിച്ച് കർണാടകയിലെ കർഷകൻ. കർണാടകയിലെ യാദ്ഗിർ മൂദന്നൂരിലാണ് ഈ കൗതുകകരമായ സംഭവം നടന്നത്. ഇതിൻ്റെ വീഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. വിളവെടുക്കാൻ പാകമായി കിടക്കുന്ന പരുത്തിപ്പാടങ്ങളിൽ കണ്ണേറ് തട്ടാതിരിക്കാൻ കരിങ്കോലം വെക്കുന്ന പരമ്പരാഗത രീതിക്ക് പകരമാണ് കർഷകൻ നടി സണ്ണി ലിയോണിൻ്റെ ചിത്രം ഉപയോഗിച്ചത്.
“ഇത്തവണ മികച്ച വിളവുണ്ട്. അതിന് കണ്ണേറ് കിട്ടാൻ ഞാൻ ആഗ്രഹിക്കുന്നില്ല. പാടത്തിനടുത്ത് കൂടെ ആളുകൾ പോകുമ്പോൾ അവർ ആദ്യം നോക്കുന്നത് സണ്ണി ലിയോണിനെയായിരിക്കും,” കർഷകൻ പറഞ്ഞു.
സംഭവം സോഷ്യൽ മീഡിയയിൽ വലിയ ചർച്ചയ്ക്ക് വഴിവെച്ചിട്ടുണ്ട്. കർഷകൻ്റെ പ്രവൃത്തിയെ പിന്തുണയ്ക്കുന്നവരും, ഇത് നടിയെ അപമാനിക്കുന്നതിന് തുല്യമാണെന്ന് അഭിപ്രായപ്പെടുന്നവരും രംഗത്തുണ്ട്.
