ഇലിനോയ്: ഇലിനോയ്, വിസ്കോൻസെൻ എന്നിവിടങ്ങളിലെ വുഡ്മാൻസ് മാർക്കറ്റുകളിൽ വിറ്റഴിച്ച പ്രേരി ഫാംസ് (Prairie Farms) കമ്പനിയുടെ ഫാറ്റ് ഫ്രീ പാൽ ഗാലനുകൾ തിരിച്ചുവിളിക്കാൻ ഫൂഡ് ആൻഡ് ഡ്രഗ് അഡ്മിനിസ്ട്രേഷൻ ഉത്തരവിട്ടു. ഈ പാലിൽ ഫൂഡ്-ഗ്രേഡ് ക്ലീനിങ് ഏജന്റുകൾ അടങ്ങിയിരിക്കാൻ സാധ്യതയുണ്ടെന്നും ഇത് ആരോഗ്യപ്രശ്നങ്ങൾക്ക് കാരണമായേക്കാം എന്നും കമ്പനി അറിയിച്ചു. ഏകദേശം 320 ഗാലൻ പാൽ വിറ്റഴിഞ്ഞിട്ടുണ്ട്. മലിനീകരണം ശ്രദ്ധയിൽപ്പെട്ട ഉടൻ തന്നെ നടപടി സ്വീകരിക്കുകയായിരുന്നുവെന്ന് കമ്പനി അറിയിച്ചു.
തിരിച്ചുവിളിച്ച പാൽ ഗാലനുകൾ തിരിച്ചറിയാനുള്ള വിവരങ്ങൾ താഴെക്കൊടുക്കുന്നു: കോഡ് തീയതി (Code date): DEC08, പ്ലാന്റ് കോഡ് (Plant code): PLT19-145, സമയം (Timestamp): 17:51–21:23, യുപിസി (UPC): 7273023117. ഈ വിവരങ്ങളുള്ള പാൽ വാങ്ങിയിട്ടുണ്ടെങ്കിൽ ഒരിക്കലും ഉപയോഗിക്കരുത്. ഉടൻ തന്നെ അത് വലിച്ചെറിയുകയോ അല്ലെങ്കിൽ വിറ്റ കടയിൽ തിരികെ നൽകി പണം വാങ്ങുകയോ ചെയ്യണമെന്നാണ് കമ്പനി നിർദ്ദേശിച്ചിരിക്കുന്നത്.
