ഡാലസ് : കേരള ലിറ്റററി സൊസൈറ്റി നവംബർ 22ന് വൈകിട്ട് 3 മണിക്ക് പ്രസിഡന്റ് ഷാജു ജോണിന്റെ അധ്യക്ഷതയിൽ പൊതുയോഗം സംഘടിപ്പിച്ചു. പൊതു യോഗത്തിൽ മുതിർന്ന പ്രവർത്തകരായ റോസമ്മ ജോർജ്, ജോസ് ഓച്ചാലിൽ ആൻസി ജോസ്, സി. വി ജോർജ്, സിജു വി ജോർജ്, ഫ്രാൻസിസ് എ തോട്ടത്തിൽ, മീനു എലിസബത്ത്, സാമൂവൽ യോഹന്നാൻ, ഷാജി മാത്യു എന്നിവർ സംബന്ധിച്ചു.
കൂടാതെ പൊതുയോഗത്തിൽ 2025-26 വർഷത്തെക്കുള്ള പുതിയ ഭരണ സമിതിയെ തിരഞ്ഞെടുത്തു. വാർഷിക റിപ്പോർട്ടും അവതരിപ്പിച്ചു. സെക്രട്ടറി ഹരിദാസ് തങ്കപ്പൻ 2024-25 വർഷങ്ങളിലെ പ്രവർത്തന റിപ്പോർട്ടും, ട്രഷറർ സി. വി ജോർജ് സാമ്പത്തിക റിപ്പോർട്ടും അവരിപ്പിച്ചു.
കേരള ലിറ്റററി സൊസൈറ്റിയുടെ നവ നേതൃത്വത്തിൽ അനശ്വരം മാമ്പിള്ളി (പ്രസിഡന്റ്), ബാജി ഓടും വേലി(സെക്രട്ടറി), സാറ ചെറിയാൻ (ട്രഷറർ), പി. പി ചെറിയാൻ (വൈസ് പ്രസിഡന്റ്), ദർശന മനയത്ത് (ജോയിന്റ് സെക്രട്ടറി), സി. വി ജോർജ് (ജോയിന്റ് ട്രഷറർ). പുതിയ നേതൃത്വത്തിന്റെ ആദ്യ പരിപാടി ജനുവരി അവസാന ആഴ്ചയോടെ ആരംഭിക്കുമെന്ന് അറിയിച്ചു.
Report സണ്ണി മാളിയേക്കൽ
