ഡാളസ് : പ്രവാസി മലയാളികളുടെ ആദ്യകാലസംഘടനയും അമേരിക്കയിലെ മുൻ നിര സംഘടനകളിൽ ഒന്നുമായ കേരള അസോസിയേഷൻ ഓഫ് ഡാളസ് 2026-2027 കാലത്തേക്കുള്ള ഭാരവാഹികളെ തെരെഞ്ഞെടുത്തു.
ഷിജു എബ്രഹാം പ്രസിഡന്റായും, മഞ്ജിത്ത് കൈനിക്കര സെക്രട്ടറിയായും, സിജു കൈനിക്കര ട്രഷറെറായും രൂപീകരിച്ച എക്സിക്യു്റ്റിവിനു പുറമെ 15 അംഗ കമ്മറ്റിയെയും തെരഞ്ഞെടുത്തു.
ജനുവരിയിൽ ക്രിസ്തുമസ് പുതുവത്സര പരിപാടിയിൽ പുതിയ ഭാരവാഹികൾ ചുമതലയേൽക്കും. പ്രസ്തുത പരിപാടിയിൽ സുവർണ്ണ ജൂബിലി ആഘോഷ ഉത്ഘാടനവും നടത്തുമെന്ന് നിലവിലെ ഭാരവാഹികൾ അറിയിച്ചു.
1976 ൽ സ്ഥാപിതമായ കേരള അസോസിയേഷൻ ഓഫ് ഡാളസ് 50 വർഷം പിന്നീടുമ്പോൾ, 1500 ൽ പരം അംഗങ്ങൾ ഉണ്ട്. തെരഞ്ഞെടുപ്പില് മത്സരത്തിനായി പലരും നാമനിര്ദ്ദേശ പത്രിക സമര്പ്പിച്ചെങ്കിലും ഇന്ത്യൻ കൾചറൽ ആൻഡ് എഡ്യൂക്കേഷൻ സെന്ററിന്റെയും, കേരള അസോസിയേഷന്റെയും പൊതു മീറ്റിംഗിലൂടെ തെരഞ്ഞെടുപ്പ് ഒഴിവാക്കി ഭാരവാഹികളെ തെരെഞ്ഞെടുക്കുകയാണുണ്ടായത്.
Report അനശ്വരം മാമ്പിള്ളി
