ന്യൂയോർക്ക് : യോങ്കേഴ്സ് സെന്റ് തോമസ് ഓര്ത്തഡോക്സ് പള്ളി വികാരി റവ.ഫാ. ജോബ്സണ് കോട്ടപ്പുറത്തിന്റെ അറുപതാം പിറന്നാള് നവംബര് 16-ാം തീയതി ആഘോഷിച്ചു. നോര്ത്ത് ഈസ്റ്റ് അമേരിക്കന് ഭദ്രാസനാധിപന് അഭിവന്ദ്യ സക്കറിയാസ് മാര് നിക്കളാവോസ് മെത്രാപ്പോലീത്തയുടെ മുഖ്യ കാര്മികത്വത്തിലുള്ള വിശുദ്ധ കുര്ബാനയ്ക്കുശേഷം കൂടിയ യോഗത്തില് മുന് വികാരി വെരി റവ. ചെറിയാന് നീലാങ്കല് കോര്എപ്പിസ്കോപ്പ, സെക്രട്ടറി ജോസി മാത്യു, ആത്മീയ സംഘടനാ ഭാരവാഹികള് എന്നിവര് അച്ചന് അനുമോദനം അറിയിച്ച് പ്രസംഗിച്ചു.
ഇടവകയുടെ പാരിതോഷികം തിരുമേനി അച്ചന് കൈമാറി. ചടങ്ങിനുശേഷം വിഭവസമൃദ്ധമായ ലഞ്ച് എല്ലാവര്ക്കും ഒരുക്കിയിരുന്നു. ജോബ്സണ് അച്ചന് നന്ദി പറഞ്ഞു.
Leave a comment