തൊഴിലാളികൾക്ക് തിരിച്ചടി: ഡാലസിലെ മൂന്ന് പ്രമുഖ കമ്പനികളിൽ കൂട്ടപ്പിരിച്ചുവിടൽ

ഡാലസ്: അമേരിക്കയിലെ ഡാലസ്-ഫോർട്ട് വർത്ത് (DFW) മേഖലയിലെ മൂന്ന് പ്രമുഖ കമ്പനികൾ 449 തൊഴിലാളികളെ പിരിച്ചുവിടാൻ തീരുമാനിച്ചു. പ്ലാനോയിലെ പ്രശസ്തമായ ഡിപ്പാർട്ട്‌മെന്റ് സ്റ്റോറായ ഡില്ലാർഡ്‌സ്, ഡിഎൽഎച്ച് സൊല്യൂഷൻസ് (VA ഫാർമസി ഉൾപ്പെടെ), അപ്പോജി ആർക്കിടെക്ചറൽ മെറ്റൽസ് എന്നിവയാണ് കൂട്ടപ്പിരിച്ചുവിടൽ നടത്തുന്നത്.

പ്ലാനോയിലെ വില്ലോ ബെൻഡ് മാളിലെ ഡില്ലാർഡ്‌സ് ഡിപ്പാർട്ട്‌മെന്റ് സ്റ്റോർ ജനുവരി 12 മുതൽ പൂർണ്ണമായി അടച്ചുപൂട്ടും. ഇതോടെ ഈ സ്റ്റോറിലെ 93 ജീവനക്കാർക്ക് ജോലി നഷ്ടമാകും. വാണിജ്യ അലുമിനിയം വിൻഡോ ഫ്രെയിമിങ് ഉൽപന്നങ്ങളുടെ നിർമാതാക്കളായ വിസ്കോൻസെൻ ആസ്ഥാനമായ അപ്പോജി ആർക്കിടെക്ചറൽ മെറ്റീരിയൽസ്, മെസ്കിറ്റിലെ സാമുവൽ ബൊളിവാർഡിലുള്ള പ്രൊഡക്ഷൻ ഫെസിലിറ്റി അടച്ചുപൂട്ടാൻ തീരുമാനിച്ചിട്ടുണ്ട്. നവംബർ 29 മുതൽ ജനുവരി 3 വരെയുള്ള കാലയളവിൽ ഈ തൊഴിൽ നഷ്ടങ്ങൾ പ്രാബല്യത്തിൽ വരും.