ഷിക്കാഗോ: വോയിസ് ഓഫ് ആഡംസിന്റെ ബാനറിൽ കെ.വി ടിവിയുടെ സഹകരണത്തോടെ ഷിക്കാഗോയിൽ നിന്ന് പുതിയ ക്രിസ്മസ് കാരൾ ഗാനം പുറത്തറിക്കുന്നു. ജേക്കബ് മീഡിയ ഓഫ് ഷിക്കാഗോയാണ് ഉണ്ണിയേശുവേ എന്ന ക്രിസ്മസ് കാരൾ ഗാനം നിർമിക്കുന്നത്.
അനിൽ മറ്റത്തിക്കുന്നേൽ രചനയും സംഗീത സംവിധാനവും ചെയ്യുന്ന ഈ കാരൾ ഗാനം ആലപിച്ചിരിക്കുന്നത് പൂർണ്ണമായും ഷിക്കാഗോയിൽ നിന്ന് തന്നെയുള്ള ഗായകാരാണ്. സിംഫണി മ്യൂസിക്ക് ഷിക്കാഗോയുടെ ബാനറിൽ സജി മാലിത്തുരുത്തേൽ, ജോബി പണയപ്പറമ്പിൽ, മനീഷ് കൈമൂലയിൽ, ജീവൻ തോട്ടിക്കാട്ട്, ലിഡിയ സൈമൺ, അമ്മു തൊട്ടിച്ചിറ, ടെസ്സി തോട്ടിക്കാട്ട്, എലിസബത്ത് തോട്ടിക്കാട്ട് എന്നിവരാണ് ഗാനം ആലപിച്ചിരിക്കുന്നത്. ഷിക്കാഗോ ബെൻ സ്റ്റുഡിയോയിൽ ബെന്നി തോമസ് റിക്കോർഡിങ് നിർവ്വഹിച്ച്, പ്രദീപ് ടോം ഓർക്കസ്ട്രഷൻ ചെയ്തിരിക്കുന്ന ഈ ഗാനത്തിന്റെ ദൃശ്യാവിഷ്കാരം പകർത്തിയിരിക്കുന്നത് സജി പണയപറമ്പിലാണ്.
വോയ്സ് ഓഫ് ആഡം കോഓർഡിനേറ്റർ അജിത് ബേബി ക്രമീകരണങ്ങൾ നേതൃത്വം നൽകി. 15ന് രാവിലെ പത്തിന് വോയിസ് ഓഫ് ആഡം യൂട്യൂബ് ചാനലിൽ ഈ ഗാനം റിലീസ് ചെയ്യും.
Report: അനിൽ മറ്റത്തിക്കുന്നേൽ ജേക്കബ്
Leave a comment