ചെന്നൈ: രാജസ്ഥാൻ റോയൽസ് ക്യാപ്റ്റനും മലയാളി താരവുമായ സഞ്ജു സാംസൺ അടുത്ത സീസൺ മുതൽ ചെന്നൈ സൂപ്പർ കിംഗ്സിൽ കളിക്കുമെന്ന് സൂചന. ചെന്നൈ താരങ്ങളായ രവീന്ദ്ര ജഡേജ, സാം കറൻ എന്നിവർക്കു പകരമായാണ് സഞ്ജു ടീമിലേക്ക് എത്തുന്നത്.
ഇരു ഫ്രാഞ്ചൈസികളും ട്രേഡില് ഉള്പ്പെടുന്ന മൂന്ന് താരങ്ങളുമായി സംസംസാരിച്ചു. എന്നാല് ഔദ്യോഗികമായി ഇരു ഫ്രാഞ്ചൈസികളും വിവരം പുറത്തുവിട്ടിട്ടില്ല. ട്രേഡില് ഉള്പ്പെട്ടിരിക്കുന്ന മൂന്ന് കളിക്കാരുടെ പേര് രാജസ്ഥാനും സിഎസ്കെയും ഐപിഎല് ഗവേണിംഗ് കൗണ്സിലിന് മുന്നില് വെക്കണം.
ട്രേഡിംഗ് നിയമങ്ങള് അനുസരിച്ച് താരങ്ങളുടെ രേഖാമൂലമുള്ള സമ്മതം ലഭിച്ചുകഴിഞ്ഞാല് ഫ്രാഞ്ചൈസികള്ക്ക് അന്തിമ കരാറിനായി കൂടുതല് ചര്ച്ചകള് നടത്താം. 2012 മുതല് ജഡേജ സിഎസ്കെയ്ക്ക് വേണ്ടി കളിക്കുന്നുണ്ട്. ഇതിനിടെ സിഎസ്കെയ്ക്ക് വിലക്കേര്പ്പെടുത്തിയപ്പോള് 2016, 2017 സീസണില് ഗുജറാത്ത് ലയണ്സിനും കളിച്ചു.
ഇക്കാലയളവില് സഞ്ജു ഡല്ഹി ക്യാപിറ്റല്സിലായിരുന്നു. 2025ലെ മെഗാ ലേലത്തിന് മുൻപ് 18 കോടി രൂപയ്ക്കാണ് സഞ്ജുവിനെയും ജഡേജയെയും യഥാക്രമം രാജസ്ഥാനം ചെന്നൈയും നിലനിർത്തിയത്.
പരിക്കിനെ തുടർന്നു കഴിഞ്ഞ സീസണിൽ സഞ്ജുവിന് എല്ലാ മത്സരങ്ങളും കളിക്കാൻ സാധിച്ചിരുന്നില്ല. 2013ലാണ് സഞ്ജു സാംസൺ രാജസ്ഥാനിലെത്തുന്നത്.
Leave a comment