ന്യൂയോർക്ക്: മലങ്കര ഓർത്തഡോക്സ് സഭയുടെ പ്രഥമ പ്രഖ്യാപിത പരിശുദ്ധനായ പരുമല തിരുമേനി ഗീവർഗീസ് മാർ ഗ്രീഗോറിയോസ് തിരുമേനിയുടെ 123-ാമത് ഓർമ്മപ്പെരുന്നാളും 48-ാമത് ഇടവകപ്പെരുന്നാളും അമേരിക്കയിലെ പരുമല എന്നറിയപ്പെടുന്ന ക്വീൻസ് സെൻ്റ് ഗ്രീഗോറിയോസ് ഓർത്തഡോക്സ് ഇടവകയിൽ നവംബർ 7, 8 (വെള്ളി, ശനി) തീയതികളിൽ നടത്തപ്പെടും.
പെരുന്നാളിനോടനുബന്ധിച്ച് നവംബർ 2 ഞായറാഴ്ച വിശുദ്ധ കുർബാനയ്ക്ക് ശേഷം ഇടവക വികാരി റവ. ഫാ. ജെറി വർഗീസ് കൊടി ഉയർത്തി.
വെള്ളിയാഴ്ച വൈകുന്നേരം 7 മണിക്ക് സന്ധ്യാപ്രാർത്ഥന, ധ്യാനപ്രസംഗം, മധ്യസ്ഥ പ്രാർത്ഥന എന്നിവ നടക്കും. ശനിയാഴ്ച രാവിലെ 8:30 ന് പ്രഭാത നമസ്കാരവും വിശുദ്ധ കുർബാനയും തുടർന്ന് ഭക്തിനിർഭരമായ പ്രദക്ഷിണവും സ്നേഹവിരുന്നും ഉണ്ടായിരിക്കും. ബാൾട്ടിമോർ സെൻ്റ് തോമസ് ഇന്ത്യൻ ഓർത്തഡോക്സ് ഇടവകയുടെ വികാരി റവ. ഫാ. ടോബിൻ മാത്യുവാണ് പെരുന്നാൾ ശുശ്രൂഷകൾക്ക് നേതൃത്വം നൽകുന്നത്.
എല്ലാ വിശ്വാസികളുടെയും പ്രാർത്ഥനാപൂർണമായ സാന്നിധ്യവും സഹകരണവും ഇടവക വികാരിയും മാനേജിംഗ് കമ്മിറ്റിയും സാദരം ക്ഷണിച്ചുകൊള്ളുന്നു.
