ന്യൂ ജേഴ്സി: ന്യൂ ജേഴ്സിയിൽ ‘നാമം’ ഗ്രാൻഡ് കൾച്ചറൽ ഫെസ്റ്റിവൽ. മോർഗൻവില്ലിലുള്ള ശ്രീ ഗുരുവായൂരപ്പൻ ക്ഷേത്രത്തിൽ നവമ്പർ 2 ഞായറാഴ്ച്ച രാവിലെ 10 മണിക്കാണ് പരിപാടികൾക്ക് തുടക്കം. ഒരു മുഴുദിന ആഘോഷങ്ങളാണ് അരങ്ങേറുന്നത്. ഇന്ത്യൻ ക്ലാസിക്കൽ സെമി ക്ലാസിക്കൽ സംഗീത നൃത്യ പാരമ്പര്യങ്ങളുടെ സമ്പന്നത പ്രദർശിപ്പിക്കും.
ജീവകാരുണ്യ പ്രവർത്തനങ്ങൾക്കും, സമൂഹ വികസന സംരംഭങ്ങൾക്കും വ്യാപകമായി അംഗീകരിക്കപ്പെട്ട ‘നാമം’ (നോർത്ത് അമേരിക്കൻ മലയാളീ & അസോസിയേറ്റഡ് ) അംഗങ്ങൾ ഇന്ദ്രിയങ്ങൾക്ക് ഒരു വിരുന്നായിരിക്കും എന്ന് വാഗ്ദാനം ചെയ്യുന്ന സാംസ്കാരിക ഉത്സവം പ്രഖ്യാപിക്കുന്നതിൽ അഭിമാനിക്കുന്നു.
ന്യൂജേഴ്സിയിലുടനീളമുള്ള പ്രശസ്ത നൃത്ത സംഗീത സ്കൂളുകളെ ഈ അതുല്യമായ പരിപാടിയിലൂടെ ഒരുമിച്ചു കൊണ്ടുവരും. ഇത് വിദ്യാർഥികൾക്കും അവരുടെ ഗുരുക്കന്മാർക്കും അവരുടെ കഴിവുകൾ പ്രകടിപ്പിക്കുന്നതിനുള്ള ഒരു അഭിമാനകരമായ വേദി വാഗ്ദാനം ചെയ്യുന്നു. അവരുടെ സമർപ്പണത്തിനും കലാപരതക്കും അംഗീകാരമായി വിദ്യാർഥികൾ, അധ്യാപകർ (ഗുരുക്കൾ). പങ്കെടുക്കുന്ന സ്ഥാപനങ്ങൾ എന്നിവരെ പരിപാടിയിൽ ആദരിക്കും.
ഈ ഉത്സവം നിങ്ങളുടെ കണ്ണുകൾക്കും കാതുകൾക്കും ഒരു വിരുന്നായിരിക്കും. പാരമ്പര്യത്തിന്റെയും, കഴിവിന്റെയും. ഒരുമയുടെയും ആഘോഷമായിരിക്കും എന്ന് പ്രസിഡന്റ് പ്രദീപ് മേനോൻ, സെക്രട്ടറി ബിന്ദു സത്യ, ട്രെഷറർ സിറിയക് എബ്രഹാം, സാംസ്കാരിക ചെയർ പ്രിയ സുബ്രമണ്യം, വനിതാ ചെയർ മാലിനി നായർ എന്നിവർ സംയുക്ത പ്രസ്താവനയിൽ പറഞ്ഞു.
ഈ നാഴികക്കല്ലായ ആഘോഷത്തിൽ പങ്കെടുക്കാൻ താല്പര്യമുള്ള സ്കൂളുകളെയും വിദ്യാർഥികളെയും namam.org എന്ന വെബ്സൈറ്റ് വഴി രജിസ്റ്റർ ചെയ്യാൻ പ്രോത്സാഹിപ്പിക്കുന്നു.
Report പ്രദീപ് മേനോൻ
