ന്യൂയോർക്ക്: ഓൺലൈൻ വിജ്ഞാനകോശമായ വിക്കിപീഡിയയ്ക്ക് ബദലായി ഇലോൺ മസ്ക് പുതിയ സംരംഭവുമായി രംഗത്ത്. ‘ഗ്രോക്കിപീഡിയ’ എന്ന് പേരിട്ടിട്ടുള്ള പുതിയ ഓൺലൈൻ വിജ്ഞാനകോശത്തിന്റെ പ്രാരംഭ പതിപ്പ് പുറത്തിറക്കി. മസ്ക് തന്നെയാണ് ‘എക്സി’ലൂടെ ഇക്കാര്യം അറിയിച്ചത്.
മസ്കിന്റെ എഐ കമ്പനിയായ ‘എക്സ്എഐ’ പുറത്തിറക്കിയ ചാറ്റ്ബോട്ടായ ‘ഗ്രോക്കി’ൽ നിന്നാണ് പുതിയ വെബ്സൈറ്റിന് പേര് നൽകിയിരിക്കുന്നത്. എന്നാൽ വെബ്സൈറ്റിൽ പിഴവുകൾ ഉണ്ടെന്ന് ഇത് ഉപയോഗിച്ച് നോക്കിയ പലരും അഭിപ്രായപ്പെട്ടു. വിക്കിപീഡിയയോട് അത്ര താൽപര്യമില്ലാത്ത മസ്ക്, അടുത്തിടെ അതിനെ ‘വോക്കിപീഡിയ’ എന്ന് വിശേഷിപ്പിച്ചിരുന്നു. രാഷ്ട്രീയ അജൻഡകൾ കുറവുള്ളതാകും ഗ്രോക്കിപീഡിയയെന്നും മസ്ക് നേരത്തെ പറഞ്ഞിരുന്നു.
