ഫിലഡൽഫിയ: പെൻസിൽവേനിയ അസോസിയേഷൻ ഫോർ മലയാളി പ്രോസ്പിരിറ്റി ആൻഡ് അഡ്വാൻസ്മെന്റ് അസോസിയേഷന്റെ (പമ്പ) വാർഷിക പിക്നിക്ക് സമാപിച്ചു. പമ്പ പ്രസിഡന്റ് ജോൺ പണിക്കർ ഉദ്ഘാടനം ചെയ്ത പരിപാടിയിൽ വിവിധ പ്രായത്തിലുള്ള അംഗങ്ങളും കുടുംബങ്ങളും സജീവമായി പങ്കെടുത്തു. അഭിലാഷ് ജോൺ ആയിരുന്നു അവതാരകൻ.
കുട്ടികൾക്കും മുതിർന്നവർക്കുമായി വിവിധ ഗെയിമുകളും വിനോദമത്സരങ്ങളും സംഘടിപ്പിച്ചു. കലാപരിപാടികൾ, സംഗീതം, കായികമത്സരങ്ങൾ എന്നിവ പിക്നിക്കിന് ആനന്ദം പകർന്നു. കേരളത്തിന്റെ പരമ്പരാഗത രുചികൾ പങ്കുവച്ച ഭക്ഷണവിരുന്നും പരിപാടിയെ മനോഹരമാക്കി. അസോസിയേഷൻ ഭാരവാഹികൾ പിക്നിക്കിൽ പങ്കെടുത്ത എല്ലാ അംഗങ്ങൾക്കും നന്ദി അറിയിച്ചു. സഹകരണത്തിന് സെക്രട്ടറി ജോർജ് ഓലിക്കൽ പ്രത്യേകം നന്ദി പറഞ്ഞു.
ട്രഷറർ സുമോദ് റ്റി നെല്ലിക്കാല, വൈസ് പ്രസിഡന്റ് അലക്സ് തോമസ്, ഫിലിപ്പോസ് ചെറിയാൻ, മോഡി ജേക്കബ്, രാജൻ സാമുവേൽ, റെവ. ഫിലിപ്സ് മോടയിൽ, സുധ കർത്താ, തോമസ് പോൾ, ജേക്കബ് കോര, രാജു പി ജോൺ, മോൺസൺ വർഗീസ്, ഡേവിഡ് ഫിലിപ്പ്, ജോസ് ആറ്റുപുറം എന്നിവർ പരിപാടികൾക്കു നേതൃത്വം നൽകി.
Report : സുമോദ് തോമസ് നെല്ലിക്കാല
Leave a comment