ഹൂസ്റ്റൺ: ഹൂസ്റ്റൺ ട്രിനിറ്റി മാർത്തോമ്മാ ഇടവകയുടെ ആഭിമുഖ്യത്തിൽ ഈ വർഷത്തെ കൺവൻഷൻ ഒക്ടോബർ 31, നവംബർ 1, 2 (വെള്ളി, ശനി, ഞായർ) തീയതികളിൽ നടത്തപ്പെടും. ഞായറാഴ്ച രാവിലെയുള്ള ആരാധന മധ്യേ കൺവൻഷന്റെ സമാപന പ്രസംഗവും നടത്തും. ട്രിനിറ്റി ദേവാലയത്തിൽ വച്ച് നടക്കുന്ന കൺവൻഷൻ യോഗങ്ങൾ ഇടവക ഗായകസംഘത്തിന്റെ ഗാനശുശ്രൂഷയോടുകൂടി വൈകുന്നേരം 7 മണിക്ക് ആരംഭിക്കും.
മാർത്തോമ്മാ സഭയുടെ കൺവൻഷൻ പ്രസംഗകരുടെ കൂട്ടായ്മ വൈസ് പ്രസിഡന്റ് ജോയ് പുല്ലാട് വചന പ്രഘോഷണത്തിനു നേതൃത്വം നൽകും. കൂടുതൽ വിവരങ്ങൾക്ക്, റവ. ജിജോ.എം. ജേക്കബ് (വികാരി),റവ. ജീവൻ ജോൺ (അസി. വികാരി),അജിത് വർഗീസ് (സെക്രട്ടറി) എന്നിവരെ ബന്ധപ്പെടുക.
Report ജീമോൻ റാന്നി
