ന്യൂയോർക്ക്: യോങ്കേഴ്സ് സെന്റ് തോമസ് ഓർത്തഡോക്സ് പള്ളിയിലെ ഫോക്കസ് വിംഗിന്റെ ആഭിമുഖ്യത്തിൽ ഒക്ടോബർ 25- ശനിയാഴ്ച പള്ളിയുടെ പാർക്കിംഗ് ലോട്ടിൽ വെച്ച് ‘ഫാൾ ഫെസ്റ്റ്’ നടത്തി. ഇതോടൊപ്പം സമീപ പ്രദേശങ്ങളിലുള്ള സ്കൂൾ കുട്ടികൾക്ക് കിറ്റ്, സ്നാക്സ്, വിവിധയിനം ആഹാരസാധനങ്ങൾ എന്നിവ വിതരണം ചെയ്തു. കൂടാതെ കായിക വിനോദങ്ങളും സംഘടിപ്പിച്ചു.
യോങ്കേഴ്സ് മേയർ മൈക്ക് സ്പാനോ ചടങ്ങിൽ മുഖ്യാതിഥിയായിരുന്നു. യോങ്കേഴ്സ് സിറ്റി കൗൺസിൽ പ്രസിഡന്റ് ലക്കീഷ കോളിൻസ് ബെല്ലാമിയും ചടങ്ങിൽ പങ്കെടുത്തു. ടോമി തോമസ്, ജെയ്ക്കബ് വർക്കി, സെലിൻ ജാഗേശ്വർ എന്നിവർ പരിപാടിയുടെ പ്രധാന നടത്തിപ്പിന് നേതൃത്വം നൽകി.
വികാരി റവ.ഫാ. ചെറിയാൻ നീലാങ്കൽ പരിപാടികൾക്ക് മുൻകൈ എടുത്ത എല്ലാ ഭാരവാഹികളേയും അനുമോദിച്ചു.
Report : ജെയിംസ് മാത്യു (പി.ആർ.ഒ)
