ചിക്കാഗോ: മഞ്ഞനിക്കരയിൽ കബറടങ്ങിയിരിക്കുന്ന പരിശുദ്ധനായ മോറാൻ മോർ ഇഗ്നാത്തിയോസ് ഏലിയാസ് തൃതിയൻ പാത്രിയർക്കീസ് ബാവായുടെ 94-ാമത് ഓർമ്മപ്പെരുന്നാൾ ചിക്കാഗോയിലുള്ള സെന്റ് പീറ്റേഴ്സ്, സെന്റ് ജോർജ്, സെന്റ് മാർക്ക് ക്നാനായ എന്നീ യാക്കോബായ സുറിയാനി ഓർത്തഡോക്സ് ഇടവകകളുടെ സംയുക്താഭിമുഖ്യത്തിൽ 2026 ഫെബ്രുവരി 7, 8 (ശനി, ഞായർ) തീയതികളിൽ നോർത്ത് ലേയ്ക്ക് സെന്റ് പീറ്റേഴ്സ് പള്ളിയിൽ വെച്ച് (150 E. Belle Drive, Northlake, IL-60164) വിപുലമായ രീതിയിൽ കൊണ്ടാടുവാൻ 2025 ഒക്ടോബർ 15-ന് സെന്റ് പീറ്റേഴ്സ് പള്ളിയിൽ വെച്ച് കൂടിയ സംയുക്ത പെരുന്നാൾ കമ്മിറ്റി തീരുമാനിച്ചു. ഈ പെരുന്നാളിന്റെ പ്രധാന കാർമ്മികൻ ക്നാനായ അതിഭദ്രാസന മെത്രാപ്പോലീത്ത അഭിവന്ദ്യ ഡോക്ടർ അയൂബ് മോർ സിൽവാനിയോസ് ആണ്.
മലങ്കരയിൽ കബറടങ്ങിയിരിക്കുന്ന ഏക പാത്രിയർക്കീസാണ് പരിശുദ്ധനായ മോറാൻ മോർ ഇഗ്നാത്തിയോസ് ഏലിയാസ് തൃതിയൻ ബാവാ.
ഈ പെരുന്നാളിൽ നേർച്ച കാഴ്ചകളോടെ വന്ന് സംബന്ധിച്ച് അനുഗ്രഹം പ്രാപിക്കാൻ വിശ്വാസികളായ നിങ്ങളെ ഏവരേയും സംഘാടകർ സ്നേഹപൂർവ്വം ക്ഷണിക്കുന്നു.
Report : വര്ഗീസ് പാലമലയില്
