ഹൈദരാബാദ്: വാശിയേറിയ പോരാട്ടത്തിനൊടുവിൽ ആർ.ആർ. കാബേൽ പ്രൈം വോളിബോൾ ലീഗിന്റെ (PVL) സീസൺ 4 കിരീടം ബംഗളൂരു ടോർപ്പിഡോസ് സ്വന്തമാക്കി. ടീമിന്റെ ചരിത്രത്തിലെ ആദ്യത്തെ പി.വി.എൽ. കിരീടമാണിത്.
ഹൈദരാബാദിലെ ഗച്ചിബൗളി ഇൻഡോർ സ്റ്റേഡിയത്തിൽ നടന്ന ആവേശകരമായ ഫൈനൽ മത്സരത്തിൽ, ശക്തരായ മുംബൈ മീറ്റിയോർസിനെ തകർത്താണ് ബംഗളൂരു ടോർപ്പിഡോസ് ചാമ്പ്യൻ പട്ടം അണിഞ്ഞത്. ടൂർണമെന്റിലുടനീളം മികച്ച പ്രകടനം കാഴ്ചവെച്ച ടോർപ്പിഡോസ് ഫൈനലിലും അതേ മികവ് തുടരുകയായിരുന്നു. സെമിഫൈനലിൽ അഹമ്മദാബാദ് ഡിഫൻഡേഴ്സിനെ പരാജയപ്പെടുത്തിയാണ് അവർ ഫൈനലിൽ പ്രവേശിച്ചത്.ക്യാപ്റ്റൻ ഉൾപ്പെടെയുള്ള ടീം അംഗങ്ങളുടെ കൂട്ടായ പ്രകടനമാണ് ബംഗളൂരുവിന് കിരീടം നേടിക്കൊടുത്തത്. നിർണ്ണായക സമയങ്ങളിൽ സൂപ്പർ പോയിന്റുകൾ നേടി ടീമിനെ മുന്നോട്ട് നയിച്ച താരം ജയ്ലൻ പെൻറോസ്, ടൂർണ്ണമെൻ്റിൽ ഏറ്റവുമധികം പോയിൻ്റുകൾ നേടിയ മലയാളി താരം ജേ യൽ ബെഞ്ചമിൻ , തകർക്കാനാകാത്ത പ്രതിരോധം തീർത്ത ജിഷ്ണു മുജീബ് എന്നിവർ ബംഗളൂരുവിന്റെ വിജയശില്പികളായി.
കിരീടം നേടിയതിന്റെ സന്തോഷത്തിൽ ബംഗളൂരു ടോർപ്പിഡോസ് ടീം ഒന്നടങ്കം ആഹ്ലാദം പ്രകടിപ്പിച്ചു. ബെസ്റ്റ് അറ്റാക്കറായി ബാംഗ്ളൂരു ടോർപ്പിഡോസ് ടീമിൻ്റെ മലയാളി താരം ജോയൽ ബഞ്ചമിൻ തിരഞ്ഞെടുക്കപ്പെട്ടു.
മുൻ അമേരിക്കൻ വോളിബോൾ കളിക്കാരനായിരുന്ന ഡേവിഡ് ലി ആയിരുന്നു ബാംഗ്ളൂരു ടീമിൻ്റെ കോച്ച് .പി.വി. ൽ സീസൺ 4-ലെ ഈ വിജയം വോളിബോൾ പ്രേമികൾക്ക് ഒരുപിടി ആവേശ നിമിഷങ്ങളാണ് സമ്മാനിച്ചത്.
