അൽവാരാഡോ(ടെക്സസ്): ടെക്സസിലെ അൽവാരാഡോ ഹൈസ്കൂളിലെ ബയോളജി, കെമിസ്ട്രി അധ്യാപികയായിരുന്ന ചെൽസി സ്പില്ലേഴ്സിനെ (33) കൊലപ്പെടുത്തിയ കേസിൽ ഭർത്താവ് ബ്രാൻഡൻ ആഷ്ലിയെ പൊലീസ് അറസ്റ്റ് ചെയ്തു. ഒക്ടോബർ 18ന് വീട്ടിൽ ചെൽസിയെ മരിച്ച നിലയിൽ കണ്ടെത്തുകയായിരുന്നു. ഭർത്താവിന്റെ ക്രൂരമായ മർദ്ദനത്തെ തുടർന്നാണ് ചെൽസി മരിച്ചതെന്ന് പ്രാഥമിക അന്വേഷണത്തിൽ കണ്ടെത്തി.
ഒക്ടോബർ 20നാണ് ഒളിവിൽപ്പോയ ബ്രാൻഡൻ ആഷ്ലിയെ െ്രെഗംസ് കൗണ്ടിയിലെ ബെഡിയാസിൽ വച്ച് പൊലീസ് പിടികൂടിയത്. ഇയാളുടെ പക്കൽ ഒരു തോക്കും കണ്ടെത്തിയിട്ടുണ്ട്. തുടർനടപടികൾക്കായി ആഷ്ലിയെ ജോൺസൺ കൗണ്ടിയിലേക്ക് മാറ്റുമെന്ന് അധികൃതർ അറിയിച്ചു. കേസിൽ പൊലീസ് അന്വേഷണം തുടരുകയാണ്
Leave a comment