ചിക്കാഗോ : ചിക്കാഗോ മലയാളി അസോസിയേഷന്റെ ആഭിമുഖ്യത്തില് 19-ാമത് എന്.കെ. ലൂക്കോസ് മെമ്മോറിയല് വോളിബോള് ടൂര്ണമെന്റ് സെപ്റ്റംബര് 5-ാം തീയതി ഇല്ലിനോയിസിലെ ബെന്സണ് വില്ലയിലുള്ള എനര്ജി സ്പോര്ട്സ് കോംപ്ലക്സില് വച്ച് രാവിലെ 9 മണിക്ക് തുടക്കം കുറിക്കുന്നു.
ഈ നാഷണല് ടൂര്ണമെന്റിന്റെ ചെയര്മാനായി ശ്രീ. ജിനു പുന്നശ്ശേരി, ജനറല് കണ്വീനറായി ശ്രീ. മാത്യു തട്ടാമറ്റത്തിനെയും, കണ്വീനറായി ശ്രീ. ജോഷി പുത്തൂരാനെയും തെരഞ്ഞെടുത്തു. ചിക്കാഗോ മലയാളി സമൂഹം ഒന്നടങ്കം കാത്തിരിക്കുന്ന ഈ കായികമാമാങ്കത്തിനെ നയിക്കാന് ഏറ്റവും കഴിവുറ്റ നേതൃത്വനിരയിലുള്ളവരെയാണ് ചിക്കാഗോ മലയാളി അസോസിയേഷന് തെരഞ്ഞെടുത്തിരിക്കുന്നത്.
നോര്ത്ത് അമേരിക്കന് മലയാളി സമൂഹത്തിലെ വളര്ന്നുവരുന്ന വോളിബോള് കായികതാരങ്ങളെ പ്രോത്സാഹിപ്പിക്കുന്നതിനാണ് ചിക്കാഗോ മലയാളി അസോസിയേഷന് ഈ ടൂര്ണമെന്റിന് നേതൃത്വം നല്കുന്നത്. ഇതിനോടകം വലിയൊരു ജനപിന്തുണയാണ് ഈ സംഘാടകസമിതിക്ക് കിട്ടിയിരിക്കുന്നത്. ടൂര്ണമെന്റിന്റെ വിജയത്തിനായി നിങ്ങളോരോരുത്തരുടെയും സഹായ സഹകരണങ്ങള് അഭ്യര്ത്ഥിച്ചുകൊള്ളുന്നു.
