യോങ്കേഴ്സ് സെന്റ് തോമസ് ഓര്ത്തഡോക്സ് പളളിയുടെ 55-ാം പെരുന്നാള് ജൂണ് മാസം 27-ാം തീയതി ശനിയാഴ്ച സന്ധ്യാപ്രാര്ത്ഥനയോടുകൂടി ആരംഭിച്ച് ജൂലൈ അഞ്ചാം തീയതി ഞായറാഴ്ച വിശുദ്ധ കുര്ബാന, നേര്ച്ച വിളമ്പ്, വിഭവസമൃദ്ധമായ ഉച്ചഭക്ഷണം എന്നിവയോടുകൂടി പര്യവസാനിച്ചു.
ഈവര്ഷത്തെ പെരുന്നാളിന്റെ മുഖ്യകാര്മികനായി റവ.ഫാ. കെ.പി. വര്ഗീസ് ശുശ്രൂഷകള് നിര്വഹിച്ചു. മുന് വികാരി വെരി റവ ചെറിയാന് നീലാങ്കല് കോര്എപ്പിസ്കോപ്പ, ഇടവക വികാരി റവ.ഫാ. ജോബ്സണ് കോട്ടപ്പുറം എന്നിവര് ശുശ്രൂഷകളില് പങ്കുചേര്ന്നു.
ഈവര്ഷത്തെ പെരുന്നാള് കോര്ഡിനേറ്ററായി റോയി പി. ഏബ്രഹാം പ്രവര്ത്തിച്ചു. പെരുന്നാള് ഭംഗിയായി നടത്തുവാന് സഹായിച്ച എല്ലാ ഇടവകാംഗങ്ങള്ക്കും, പ്രത്യേകിച്ച് ക്വയര് ഗ്രൂപ്പിന് ഇടവക വികാരി ജോബ്സണ് കോട്ടപ്പുറം അച്ചന് നന്ദി പ്രകാശിപ്പിച്ചു.
Report ജെയിംസ് മാത്യു (പി.ആര്.ഓ)
