ഗാർലൻഡ് : കുട്ടികൾക്കും കൗമാരക്കാർക്കുമായി കായികവും ആത്മീയവുമായ അനുഭവങ്ങൾ സമ്മാനിക്കുന്ന ‘സോക്കർ പാർട്ടി ക്ലബ്’ ജൂലൈ 18 ശനിയാഴ്ച സംഘടിപ്പിക്കുന്നു. ഗാർലൻഡിലെ മൗണ്ട് സിനായ് ചർച് ഓഫ് ഗോഡ് – ന്റെ ആഭിമുഖ്യത്തിൽ, ചൈൽഡ് ഇവാഞ്ചലിസം ഫെല്ലോഷിപ്പ് (CEF)-ന്റെ സഹകരണത്തോടെയാണ് പരിപാടി നടക്കുന്നത്.
രാവിലെ 9.00 മുതൽ 11.30 വരെ നടക്കുന്ന പരിപാടിയിൽ 5 മുതൽ 19 വയസ്സ് വരെയുള്ള കുട്ടികൾക്കും യുവാക്കൾക്കും പങ്കെടുക്കാം. സോക്കർ കളിക്കൊപ്പം സൗഹൃദം വളർത്താനും വിശ്വാസജീവിതത്തെക്കുറിച്ച് കൂടുതൽ അറിയാനുമുള്ള അവസരവും പരിപാടിയുടെ ഭാഗമായി ഒരുക്കിയിട്ടുണ്ട്. ലോകമെമ്പാടുമുള്ള ദൈവത്തിന്റെ പ്രവർത്തനങ്ങളെക്കുറിച്ചും ഓരോരുത്തർക്കും ആ ദൗത്യത്തിന്റെ ഭാഗമാകാനാകുന്ന വഴികളെക്കുറിച്ചും ഉൾക്കൊള്ളുന്ന പ്രത്യേക മിഷനറി ക്ലാസും നടക്കും.
പരിപാടി Mount Sinai Church of God, 5313 Robin Road, Garland-ലാണ് നടക്കുന്നത്. കൂടുതൽ വിവരങ്ങൾക്ക് Sudha Wilfreed-നെ 972-834-4646 എന്ന നമ്പറിൽ ബന്ധപ്പെടാവുന്നതാണ്.
“കളിക്കാം… സന്തോഷിക്കാം… സുവിശേഷം കേൾക്കാം…” എന്ന സന്ദേശവുമായാണ് സംഘാടകർ കുട്ടികളെയും മാതാപിതാക്കളെയും പരിപാടിയിലേക്ക് ക്ഷണിച്ചിരിക്കുന്നത്.
