കുന്നംകുളം: ‘കുന്നംകുളം കൃസ്ത്യാനികളുടെ ജൂത പാരമ്പര്യം’ എന്ന വിഷയത്തെ അടിസ്ഥാനമാക്കി ആർത്താറ്റ് കുന്നംകുളം ബിഷപ്പ് പാലസിൽ 23ന് രാവിലെ 9 മുതൽ ‘ഡയസ്പോറ 2026’ എന്ന പേരിൽ ഏകദിന പൈതൃക സെമിനാർ നടക്കും. കാൽഡിയൻ സഭാധ്യക്ഷൻ മാർ ഔഗീൻ കുരിയാക്കോസ് ഉദ്ഘാടനം ചെയ്യും. കുന്നംകുളം ഭദ്രാസനാധിപൻ ഡോ. പുലിക്കോട്ടിൽ ഗീവർഗീസ് മാർ യൂലിയോസ് മെത്രാപ്പോലീത്ത അധ്യക്ഷത വഹിക്കും. രണ്ടു സെഷനുകളിലായി ആറ് പ്രബന്ധങ്ങൾ അവതരിപ്പിക്കും.
സാഹിത്യകാരന്മാരായ വി.കെ. ശ്രീരാമൻ, ടി.ഡി. രാമകൃഷ്ണൻ, വാസ്തുവിദഗ്ധൻ കാണിപ്പയ്യൂർ കൃഷ്ണൻ നമ്പൂതിരിപ്പാട്, കണ്ണൂർ സർവകലാശാല മുൻ വൈസ്ചാൻസലർ ഡോ. മൈക്കിൾ തരകൻ എന്നിവർ പങ്കെടുക്കും.
റജിസ്ട്രേഷനും വിവരങ്ങൾക്കും: +91 80756 29359, +91 94963 05811, +91 85477 32911
