കുറുപ്പന്തറ: ലേലംവിളിക്കു വാശിയേറിയതോടെ ഒരു പൂവൻകോഴിയുടെ വില 77,000 രൂപ. മാൻവെട്ടം സെന്റ് ജോർജ് പള്ളിയിൽ വിശുദ്ധ ഗീവർഗീസിന്റെ തിരുനാളിന്റെ ഭാഗമായി നടന്ന ലേലത്തിലാണ് ഈ വൻവില. പള്ളിയിലെ പ്രധാനനേർച്ചയാണ് കോഴികളെ സമർപ്പിക്കുക. 200 കോഴികളാണ് നേർച്ചയായി ലഭിച്ചത്.
ഇതിൽ ആദ്യം ലേലത്തിനുവച്ച കോഴിയെ 45,000 രൂപക്ക് മാൻവെട്ടം അരീക്കര വീട്ടിൽ സ്റ്റീഫൻ റോബി വിളിച്ചെടുത്തു. സ്റ്റീഫൻ ഈ കോഴിയെ പള്ളിക്ക് തിരികെ നൽകി. അപ്പോൾ നടന്ന ലേലത്തിൽ 20,000 രൂപ ലഭിച്ചു. തുടർന്ന് വീണ്ടും ആ കോഴിയെ ലേലത്തിൽ നേടിയ ആൾ പള്ളിക്കു തന്നെ തിരികെ നൽകി. തുടർന്നു ലേലത്തിൽ 12,000 രൂപ ലഭിച്ചു. അങ്ങനെയാണ് ഒരു കോഴിക്ക് ലേലത്തുക 77,000 ലേക്ക് ഉയർന്നത്. പള്ളിയിൽ നേർച്ചയായി കിട്ടുന്ന കോഴികളെ ലേലം വിളിക്കാൻ പള്ളിക്കു പുറത്തുനിന്നും ഒട്ടേറെപേർ എത്തുന്നുണ്ട്.
Leave a comment