എസ്സെൻസ് ഫെസ്റ്റിൽ തമ്പി ആന്റണി നടത്തുന്ന പ്രഭാഷണം ‘വിശ്വാസം വിദ്വേഷമാകുമ്പോൾ’

പ്രശസ്ത മലയാള സാഹിത്യകാരനും ചലച്ചിത്ര നിർമ്മാതാവും നടനുമായ ശ്രീ തമ്പി ആന്റണി, മെയ് 30 ന് ടെക്സസിലെ ഡാലസിൽ നടക്കുന്ന “എസ്സെൻസ് ഫെസ്റ്റിൽ” പങ്കെടുത്ത് പ്രഭാഷണം നടത്തുന്നു. 

എഴുത്തുകാരൻ, ചലച്ചിത്ര നിർമ്മാതാവ്, നടൻ, സാമൂഹ്യപ്രവർത്തകൻ എന്നീ നിലകളിൽ തമ്പി ആന്റണി ലോകമെമ്പാടുമുള്ള മലയാളികൾക്ക് സുപരിചിതനാണ്. കേരളത്തിൽ ജനിച്ച് വളർന്ന അമേരിക്കയിലേക്ക് കുടിയേറിയ  അദ്ദേഹത്തിന്റെ സാഹിത്യ സൃഷ്ടികളിൽ ഇന്ത്യൻ അമേരിക്കൻ ജീവിതാനുഭവങ്ങൾ ശക്തമായ സ്വാധീനം ചെലുത്തിയിട്ടുണ്ട്.

40-ലധികം മലയാളവും ഇംഗ്ലീഷും ചിത്രങ്ങളിൽ അഭിനയിച്ചിട്ടുള്ള അദ്ദേഹം Cash, Beyond the Soul (ഹോളിവുഡ് ചിത്രം), പപ്പിലിയോ ബുദ്ധ, കൽക്കത്ത ന്യൂസ്, ജാനകി, Made in USA, സൂഫി പറഞ്ഞ കഥ, ഇവൻ മേഘരൂപൻ , പറുദീസ തുടങ്ങിയ അന്താരാഷ്ട്ര പ്രശസ്തി നേടിയ ചിത്രങ്ങൾ നിർമ്മിച്ചിട്ടുണ്ട്. ഇംഗ്ലീഷ് ചിത്രമായ Beyond the Soul-ൽ പ്രൊഫസർ ആചാര്യ എന്ന കഥാപാത്രത്തെ അവതരിപ്പിച്ചതിന് ഹൊണലുലു അന്താരാഷ്ട്ര ചലച്ചിത്ര മേള (USA)യിൽ മികച്ച നടനുള്ള പുരസ്കാരം ലഭിച്ചു. കാരൂരിന്റ പ്രശസ്ത കൃതിയായ പൊതിച്ചോറിലെ ഹെഡ്മാസ്ററെ അവതരിപ്പിച്ചതിന് കേരളാ ക്രിട്ടിക്സ് അവാർഡും ലഭിച്ചിട്ടുണ്ട് .

അദ്ദേഹത്തിന്റെ സാഹിത്യ സൃഷ്ടികളിൽ പ്രധാനപെട്ടവ, ഭൂതത്താൻ കുന്ന്  (ഡി.സി. ബുക്സ് പ്രസിദ്ധീകരിച്ച നോവൽ) – 2019-ലെ പ്രശസ്ത കലാകൗമുദി പുരസ്കാരം നേടി; രണ്ടാം പതിപ്പ് ലഭ്യമാണ്. (ഇതിന്റെ ഇംഗ്ലീഷ് പതിപ്പ് Devil Mountain ആമസോണിൽ ലഭ്യമാണ്.)
Vasco de Gama (ചെറുകഥാസമാഹാരം, ഡി.സി. ബുക്സ്) – 2019-ലെ ബഷീർ പുരസ്കാരം നേടി; ഇപ്പോൾ മൂന്നാം പതിപ്പിൽ.
ഏകാന്തതയുടെ നിമിഷങ്ങൾ ( നോവൽ, മാതൃഭൂമി ബുക്സ് 
ഇടിച്ചക്കപ്ലാമ്മൂട്‌ പോലീസ് സ്റ്റേഷൻ , 
ആക്കൽദാമയിലെ കള്ളൻ. നാടകങ്ങൾ, ഒലിവ് ബുക്സ് 
മല ചവിട്ടുന്ന ദൈവങ്ങൾ (കവിതാസമാഹാരം, ഡി.സി. ബുക്സ്)
മരക്കിഴവൻ  (ഗ്രീൻ ബുക്സ്)
Penn Biker (ഇംഗ്ലീഷിലും മലയാളത്തിലും ലഭ്യം; മലയാള പതിപ്പ് മാതൃഭൂമി ബുക്സ് പ്രസിദ്ധീകരണം)
ഡോഗ് വാക്കർ എന്നിവയാണ്.

 
തമ്പി ആന്റണി രചിച്ച ഇഗ്ളീഷ് പുസ്തകങ്ങൾ:
Devil Mountain (ആമസോൺ)
Moments of Solitude (ആമസോൺ ബുക്സ്)
Dog Walker (ആമസോൺ)
Snow in Chicago (ആമസോൺ)
Koonampara County (ആമസോൺ, പാപ്പാത്തി ബുക്സ്)

അദ്ദേഹത്തിന്റെ പുതിയ പുസ്തകൾ:
കഥാസമാഹാരമായ “911” , ഡി സി ബുക്ക്സ്. 
ജീവിതാനുഭങ്ങൾ കുറിച്ചിട്ട “ഞാനും സിനിമയും ” മനോരമ ബുക്സ് എന്നിവയാണ്. 

ശ്രീ തമ്പി ആന്റണിയുടെ വിപുലമായ ജീവിതാനുഭവങ്ങൾ കേൾക്കാൻ, അദ്ദേഹത്തിന്റെ സ്വതന്ത്ര ചിന്തയുടെ ജീവിത ദർശനം അറിയാൻ എല്ലാവരെയും മെയ് 30ന് ഡാലസിൽ നടക്കുന്ന എസ്സെൻസ് ഫെസ്റ്റിലേക്ക് സ്നേഹപൂർവ്വം ക്ഷണിക്കുന്നു.

Report ജെയിംസ് കുരീക്കാട്ടിൽ