ആൽബനി: ക്യാപിറ്റൽ ഡിസ്ട്രിക്ട് മലയാളീ അസോസിയേഷൻ (CDMA )യുടെ ഈസ്റ്റര് വിഷു ആഘോഷത്തിൽ പങ്കെടുക്കാനായി എത്തിയ Team Integrity അംഗങ്ങൾക്ക് CDMA പ്രസിഡന്റ് ജിജി കുരിയന്റെ നേതൃത്വത്തിൽ ആൽബനിയിലെ ജർമ്മൻ അമേരിക്കൻ ക്ലബ്ബിൽ വച്ച് വമ്പിച്ച സ്വീകരണം നൽകി.
ടീം ഇന്റെഗ്രിറ്റിയുടെ പ്രസിഡന്റ് സ്ഥാനാർത്ഥി ഫിലിപ്പോസ് ഫിലിപ്പ് , അസ്സോസിയേറ്റ് സെക്രട്ടറി സോണി അമ്പൂക്കൻ , നാഷണൽ കമ്മിറ്റി മെമ്പർ അജു എബ്രഹാം, ന്യൂ ഇംഗ്ലണ്ട് റീജിയൻ വൈസ് പ്രസിഡന്റ് ഫോബി പോൾ, ഫൊക്കാന മുൻ ട്രുസ്ടീ ബോർഡ് ചെയര്മാന് സജി എം പോത്തൻ എന്നിവർ സ്വീകരണം ഏറ്റു വാങ്ങി നന്ദി പ്രകാശിപ്പിച്ചു.
സംസാരിച്ചവർ എല്ലാവരും ടീം ഇന്റെഗ്രിറ്റിക്ക് എല്ലാ വിജയാശംസകൾ നേരുകയും പൂർണ്ണ പിന്തുണ അറിയിക്കുകയും ചെയ്തു. ടീം ഇന്റെഗ്രിറ്റിയുടെ ഏകോപിത പ്രവത്തനങ്ങളേയും സ്ഥാനാർത്ഥികളുടെ മികവിനെയും പലരും ചൂണ്ടിക്കാട്ടി. ഫിലിപ്പോസ് ഫിലിപ്പിന്റെ നേതൃത്വത്തിലുള്ള പാനൽ 2026-28 ലെ ഫൊക്കാനയുടെ പ്രവർത്തനങ്ങൾക്കു പുത്തൻ ഉണർവും ആവേശവും പകരുമെന്നും അവർ പ്രസ്താവിച്ചു.
സംഘടനകളുടെ ഉന്നമനത്തിനു സഹതാപമല്ല സംഘടനയൂടുള്ള കൂറും പ്രവർത്തന മികവും ആണ് വേണ്ടതെന്നും പലരും ഊന്നി പറഞ്ഞു.
CDMA യുടെ ഈസ്റ്റര് വിഷു ആഘോഷങ്ങൾ അതിമനോഹരമായി സംഘടിപ്പിച്ച സംഘാടകരെ പ്രസിഡന്റ് സ്ഥാനാർഥി ഫിലിപ്പോസ് ഫിലിപ്പ് പ്രത്യേകം അഭിനന്ദിച്ചു.
ഫൊക്കാനയുടെ എക്സിക്യൂട്ടീവ് കമ്മിറ്റയിലേക്ക് മത്സരിക്കുന്ന മറ്റു സ്ഥാനാർത്ഥികളായ എക്സിക്യൂട്ടീവ് വൈസ് പ്രസിഡന്റ് ലിൻഡോ ജോളി, വൈസ് പ്രസിഡന്റ് ജോസി കാരക്കാട്ടു, സെക്രട്ടറി സന്തോഷ് നായർ, ട്രെസ്സുറെർ ആന്റോ വർക്കി , അസ്സോസിയേറ്റ് ട്രീസറെർ അപ്പുകുട്ടൻ പിള്ള , അഡിഷണൽ അ സോസിയേറ്റ് സെക്രട്ടറി അജു ഉമ്മൻ , അഡിഷണൽ അസ്സോസിയേറ്റ് ട്രെസ്സുറർ ഗ്രേസ് മരിയ ജോസഫ് , വിമൻസ് ഫോറം ചെയർ ഷൈനി രാജു എന്നിവരുടെ ആശംസകളും CDMA ഭാരവാഹികളെ അറിയിച്ചു.
