മലയാറ്റൂർ : മലയാറ്റൂർ പുതുഞായർ തിരുനാൾ സമാപിച്ചു. എട്ടാമിടം ദിനമായിരുന്ന ഇന്നലെ നിരവധി തീർഥാടകരാണ് കുരിശുമുടി കയറാനെത്തിയത്.
സമാപനത്തോടനുബന്ധിച്ച് വൈകുന്നേരം പൊൻപണം ഇറക്കൽ ചടങ്ങ് നടന്നു. കുരിശുമുടിയിൽ നേർച്ചയായി ലഭിച്ച പണം ചെറിയ ചാക്കുകളിലാക്കി തലച്ചുമടായും കാൽനടയായും താഴത്തെ പള്ളിയിൽ എത്തിക്കുന്ന ചടങ്ങാണിത്. പൊൻപണച്ചാക്കുകൾ തലയിലേറ്റുന്നത് വിശ്വാസികൾക്കു നേർച്ചയാണ്.
ഉച്ചകഴിഞ്ഞു മൂന്നിന് കുരിശുമുടിയിൽനിന്ന് പൊൻപണം ഇറക്കാൻ തുടങ്ങി. താഴത്തെ പള്ളിയിൽ വികാരി ഫാ. ജോസ് ഒഴലക്കാട്ടും പള്ളി ഭാരവാഹികളും ചേർന്ന് പൊൻപണം സ്വീകരിച്ചു.തുടർന്ന് വിശുദ്ധ കുർബാന നടന്നു. രാത്രി എട്ടിന് തിരുസ്വരൂപം എടുത്തുവച്ചു. തുടർന്ന് കൊടിയിറക്കി.






Leave a comment