ന്യു ഡൽഹി: ഓവർസീസ് സിറ്റിസൺഷിപ്പ് ഓഫ് ഇന്ത്യ (OCI) കാർഡ് ചട്ടങ്ങളിൽ ഏപ്രിൽ 1 മുതൽ നേരിയ മാറ്റങ്ങൾ.
അന്താരാഷ്ട്ര യാത്രക്കാരുടെ ഇന്ത്യയിലേക്കുള്ള വിദേശ ഇറക്കുമതിയുടെ കസ്റ്റംസ് തീരുവ കുറച്ചിട്ടുമുണ്ട്. ഇനി മുതൽ പേഴ്സൺ ഓഫ് ഇന്ത്യൻ ഒറിജിൻ കാർഡ് (PIO) സാധുവായ യാത്രാ രേഖയായി സ്വീകരിക്കില്ല.
അതുപോലെ ഇന്ത്യയിലേക്കുള്ള വിമാനങ്ങളിൽ കയറുന്നതിന് മുമ്പ് OCI കാർഡ് ഉടമകൾ ഒരു ഡിജിറ്റൽ ഇ-അറൈവൽ കാർഡ് പൂരിപ്പിക്കണം.
OCI പോർട്ടൽ നവീകരിക്കുകയും ചെയ്തിട്ടുണ്ട്.
ഇന്ത്യയിൽ വച്ച് OCI കാർഡിന് അപേക്ഷിക്കാൻ ഇനി മുതൽ ഇന്ത്യയിൽ ആറു മാസം താമസിക്കേണ്ടതില്ല. നേരത്തെ, ഇന്ത്യയിൽ OCI കാർഡിന് അപേക്ഷിക്കുന്നവർ പലപ്പോഴും “സാധാരണ താമസം” തെളിയിക്കുന്നതിൽ ആശയക്കുഴപ്പം നേരിട്ടിരുന്നു. അത് ഒഴിവായി.
2026 ഏപ്രിൽ 8 മുതൽ പ്രാബല്യത്തിൽ വന്ന ബ്യൂറോ ഓഫ് ഇമിഗ്രേഷൻ ഇന്ത്യ ഉത്തരവ് പ്രകാരം യോഗ്യരായ വിദേശ പൗരന്മാർക്ക് ഇന്ത്യയിൽ ആറ് മാസത്തെ താമസം പൂർത്തിയാക്കാതെ തന്നെ OCI-ക്ക് അപേക്ഷിക്കാമെന്ന് ഔദ്യോഗികമായി വ്യക്തമാക്കി. സാധുവായ വിസയും ആവശ്യമായ രേഖകളും ഉണ്ടെങ്കിൽ, ഇന്ത്യയിൽ എത്തിയ ഉടൻ തന്നെ അപേക്ഷ സമർപ്പിക്കാം.
ഇന്ത്യയിലെ അപേക്ഷകർ അധികാരപരിധി അനുസരിച്ച് അമൃത്സർ, ബാംഗ്ലൂർ, കോഴിക്കോട്, ചെന്നൈ, കൊച്ചി, ഡൽഹി, ഗോവ, ഹൈദരാബാദ്, ലഖ്നൗ, മുംബൈ, കൊൽക്കത്ത, തിരുവനന്തപുരം എന്നിവയുൾപ്പെടെ നിയുക്ത FRRO ഓഫീസുകളിൽ അപേക്ഷ സമർപ്പിക്കണം.
OCI കാർഡ് സേവനങ്ങൾക്കുള്ള പുതുക്കിയ ഫീസ്
OCI കാർഡ് സേവനങ്ങൾക്കുള്ള പുതുക്കിയ ഫീസ് ഘടന 2026 ഏപ്രിൽ 1 മുതൽ പ്രാബല്യത്തിൽ വന്നു. OCI അപേക്ഷാ ഫീസ് 275 യുഎസ് ഡോളറായി തുടരും. അല്ലെങ്കിൽ ഇന്ത്യയ്ക്ക് പുറത്തുള്ള പ്രാദേശിക കറൻസികളിൽ അതിന് തുല്യമായ തുക. കാനഡയിൽ അത് CAD 376 ആകും .
ഇന്ത്യയിൽ സമർപ്പിക്കുന്ന പുതിയ OCI കാർഡ് അപേക്ഷകൾക്കു ഫീസ് 15,000 രൂപ. ‘പേ ആൻഡ് അക്കൗണ്ട്സ് ഓഫീസർ (സെക്രട്ടേറിയറ്റ്), ആഭ്യന്തര മന്ത്രാലയം’ എന്ന പേരിൽ ന്യൂഡൽഹിയിൽ മാറാവുന്ന ഡിമാൻഡ് ഡ്രാഫ്റ്റ് വഴിയാണ് ഫീസ് അടയ്ക്കേണ്ടത്.
മറ്റു ചാർജുകൾ ഇപ്രകാരം
വ്യക്തിഗത വിവരങ്ങളിൽ മാറ്റം വരുത്തി ഒസിഐ കാർഡ് വീണ്ടും ലഭിക്കാൻ: 25 യുഎസ് ഡോളർ
നഷ്ടപ്പെട്ട OCI കാർഡിനു പകരം പുതിയ കാർഡ് ലഭിക്കാൻ 100 യുഎസ് ഡോളർ:
പ്രായം 20 വയസ് കഴിഞ്ഞ ശേഷം പുതുക്കൽ: 25 ഡോളർ.
ഒസിഐ കാർഡ് വേണ്ടെന്നു വയ്ക്കാനുള്ള ചാർജ് 25 ഡോളർ.
പുതിയ പാസ്പോർട്ട് ഇഷ്യൂ ചെയ്ത് 3 മാസത്തിനുശേഷം പാസ്പോർട്ട് വിശദാംശങ്ങൾ OCI പോർട്ടലിൽ അപ്ഡേറ്റ് ചെയ്യുന്നതിന് വൈകിയതിനുള്ള പിഴ 25 ഡോളർ.
OCI രജിസ്ട്രേഷൻ നിരസിക്കപ്പെട്ടാൽ, $250 അല്ലെങ്കിൽ അതിന് തുല്യമായ തുക തിരികെ നൽകും. ബാക്കി $25 പ്രോസസ്സിംഗ് ഫീസാണ്. തിരിച്ചു കിട്ടില്ല. ഇന്ത്യയിൽ സമർപ്പിക്കുന്ന അപേക്ഷകൾക്ക്, 1,400 രൂപ റീഫണ്ട് ചെയ്യാനാവാത്ത പ്രോസസ്സിംഗ് ചാർജായി നിലനിർത്തും.
കുട്ടികൾക്കും വിദേശിയായി ഭാര്യ/ഭർത്താവിനും നിബന്ധനകൾ
കുട്ടികൾക്ക്, ജനന സർട്ടിഫിക്കറ്റ് പ്രധാന രേഖയായി മാറി. ചില സന്ദർഭങ്ങളിൽ, മാതാപിതാക്കൾ രണ്ടുപേരും സമ്മതം നൽകിയാൽ VFS ഗ്ലോബൽ പോലുള്ള കേന്ദ്രങ്ങളിൽ കുട്ടികൾ നേരിട്ട് ഹാജരാകേണ്ടതില്ല.
ഇന്ത്യൻ പൗരന്മാരുടെയോ OCI കാർഡ് ഉടമകളുടെയോ വിദേശ ഇണകൾക്ക്, കർശനമായ നിയന്ത്രണം ഉണ്ട്. വിവാഹം ഇപ്പോഴും നിലനിൽക്കുന്നുവെന്ന് സ്ഥിരീകരിക്കുന്ന അഫിഡവിറ്റിനൊപ്പം അപേക്ഷകർ പുതുക്കിയ പാസ്പോർട്ട് വിശദാംശങ്ങളും നൽകണം.
2026-ൽ OCI കാർഡ് ഉടമകൾക്കുള്ള ഏറ്റവും പുതിയ അപ്ഡേറ്റുകൾ
പുതിയ പാസ്പോർട്ട് അപ്ഡേറ്റ് തീരുമാനമായില്ലെങ്കിലും OCI കാർഡ് ഉടമകൾക്ക് ഇന്ത്യയിലേക്കും തിരിച്ചും യാത്ര ചെയ്യാൻ കഴിയും.
OCI കാർഡ് ഉടമകളുടെയും ഇന്ത്യൻ പൗരന്മാരുടെയും വിദേശ പങ്കാളികൾ ഓരോ പാസ്പോർട്ട് പുതുക്കലിനു ശേഷവും അവരുടെ ഏറ്റവും പുതിയ ഫോട്ടോ, പുതിയ പാസ്പോർട്ട്, വിവാഹ പ്രഖ്യാപനം എന്നിവ ഓൺലൈനായി അപ്ലോഡ് ചെയ്യണം.
