വാഷിംഗ്ടണ് ഡി സി : യുഎസ് സ്റ്റേറ്റ് ഡിപ്പാര്ട്ട്മെന്റിലും പ്രതിരോധ മേഖലയിലും പ്രവര്ത്തിച്ചിട്ടുള്ള ടെല്ലിസ്, ഔദ്യോഗിക പദവി ദുരുപയോഗം ചെയ്ത് രഹസ്യരേഖകള് കടത്തിയെന്നാണ് പ്രോസിക്യൂഷന് വാദിക്കുന്നത്.
ഇന്ത്യ-യുഎസ് ബന്ധങ്ങളില് നിര്ണായക സ്വാധീനമുള്ള വ്യക്തിയായതിനാല് വാഷിംഗ്ടണിലെ രാഷ്ട്രീയ കേന്ദ്രങ്ങള് ഈ കേസിനെ ഏറെ പ്രാധാന്യത്തോടെയാണ് നോക്കിക്കാണുന്നത്. കുറ്റപത്രം റദ്ദാക്കണോ അതോ വിചാരണയുമായി മുന്നോട്ട് പോകണോ എന്ന് കോടതി ഉടന് തീരുമാനിക്കും.
ഉയര്ന്ന സുരക്ഷാ ക്ലിയറന്സ് ഉണ്ടായിരുന്ന ടെല്ലിസ്, തന്റെ പദവി ഉപയോഗിച്ച് അതീവ രഹസ്യമായ രേഖകള് ഓഫിസില് നിന്ന് കടത്തി സ്വന്തം വസതിയില് സൂക്ഷിച്ചു.
ജോലിസ്ഥലത്ത് രേഖകള് പരിശോധിക്കാന് അനുമതി ഉണ്ടെന്നത് അവ വീട്ടില് കൊണ്ടുപോകാനുള്ള അനുമതിയല്ല. അനുവാദമില്ലാതെ ഇത്തരം രേഖകള് കൈവശം വെക്കുന്നത് നിയമവിരുദ്ധമാണ്.
ഔദ്യോഗിക കൃത്യനിര്വഹണത്തിന്റെ ഭാഗമായാണ് രേഖകള് കൈകാര്യം ചെയ്തതെന്നും, രേഖകള് തിരികെ നല്കാന് സര്ക്കാര് ഒരിക്കലും ആവശ്യപ്പെട്ടിട്ടില്ലെന്നും ടെല്ലിസിന്റെ അഭിഭാഷകര് വാദിക്കുന്നു. തെറ്റായ നിയമം ചുമത്തിയാണ് കേസ് എടുത്തിരിക്കുന്നതെന്നും ഇവര് പറയുന്നു.
ഇത് നിയമത്തിലെ പഴുതുകള് കണ്ടെത്താനുള്ള ശ്രമമാണെന്നും, രേഖകള് അനധികൃതമായി വീട്ടില് സൂക്ഷിക്കുന്നത് കുറ്റകരമാണെന്നും സര്ക്കാര് കോടതിയെ അറിയിച്ചു.
Leave a comment