അസറ്റ് ആൽബർട്ട എഡ്മിന്റണിൽ വനിതാദിന ആഘോഷം നടത്തി

എഡ്മിന്റൻ: അസോസിയേഷൻ ഫോർ സോഷ്യൽ സെർവീസസ്, എഡ്യൂക്കേഷൻ ആൻഡ് ട്രെയിനിങ് (അസെറ്റ്) ആൽബെർട്ടയുടെ നേതൃത്വത്തിൽ മാർച്ച് എട്ടിന്ന്എ ഡ്മന്റനിൽ വെച്ച് അന്താരാഷ്ട്ര വനിതാ ദിനം ആഘോഷിച്ചു.
മഞ്ജു സാംസൺ അവതാരകയായിരുന്ന ഈ പരിപാടി ആൽബെർട്ടയിലെ ആദ്യകാല മലയാളികളായ അന്നമ്മ എബ്രഹാം, റേച്ചൽ മാത്യു, രാജമ്മാൾ റാം എന്നിവർ ചേർന്ന് ഉദ്ഘാടനം ചെയ്തു.

കാനഡയിലെ അറുപതോളം വർഷത്തെ ജീവിതയാത്രയും, ആദ്യ കാല കുടിയേറ്റ അനുഭവങ്ങളും അവർ പങ്കുവെച്ചത് പങ്കെടുത്തവർക്ക് പ്രചോദനമായി. പരിപാടിയുടെ സ്പോൺസർ ഡെസ്സ എഡിസൺ അവർക്ക് അവാർഡുകൾ കൈമാറി. 

തുടർന്ന് ചിത്രരചനയും കുസൃതി ചോദ്യങ്ങളും ഉൾപ്പെടുത്തി നടത്തിയ സംവേദനാത്മക സെഷനുകൾ കൂട്ടായ്മയുടെ ഐക്യം കെട്ടിപ്പടുത്തുന്നതിനു സഹായകമായി. സ്ത്രീകൾക്ക് മാത്രമായി സംഘടിപ്പിച്ച ഈ പരിപാടി സ്ത്രീകളുടെ മാനസിക ആരോഗ്യം, സ്വയം പരിചരണം, ശിശു പരിപാലനം എന്നീ വിഷയങ്ങളിൽ തുറന്ന ചർച്ചക്കുള്ള ഒരിടമായി പരിണമിച്ചു . 

സൈക്കോളജിസ്ട് നയന നാരായണൻ , സാമൂഹ്യപ്രവർത്തകരായ ഡോ. റിൻസി സെബാസ്റ്റ്യൻ, ബിയ ബാബു , രെജിസ്റ്റേർഡ് നേഴ്സ് ജെസി ജയകൃഷ്ണൻ എന്നിവർ പാനലിസ്റ്റുകളായ ചർച്ചയിൽ ഡോ. അനു സ്റ്റെല്ല മാത്യൂസ് , സാമൂഹ്യ പ്രവർത്തക അമ്പിളി റോസ് എന്നിവർ മോഡറേറ്റർമാരായി . ചർച്ച ഒരു പുത്തൻ അനുഭവമായി മാറി എന്നതിലുപരി പ്രയോജനപ്രദമായിതീർന്നു എന്ന് പങ്കെടുത്തവർ സാക്ഷ്യപ്പെടുത്തി. എഡ്മിന്റണിലെ മലയാളികളുടെ ഇടയിൽ ആദ്യമായാണ് ഒരു വനിതാ ദിന ആഘോഷം സങ്കടപ്പിക്കുന്നത്. പരിപാടിക്ക് നേതൃത്വം നൽകിയ അസെറ്റ് ആൽബെർട്ട ബോർഡ്അംഗം അമ്പിളി സാജു കൃതജ്ഞത രേഖപ്പെടുത്തി