ലോസ് ആഞ്ചലസ്: ആഗോള സിനിമാ ലോകം കാത്തിരിക്കുന്ന 98-ാമത് ഓസ്കർ അവാർഡ് ദാന ചടങ്ങിൽ അവതാരകയായി പ്രിയങ്ക ചോപ്ര ജോനാസ് എത്തുന്നു. പുരസ്കാരങ്ങൾ സമ്മാനിക്കുന്ന പ്രമുഖരുടെ പട്ടികയിൽ പ്രിയങ്കയുടെ പേരും ഉൾപ്പെടുത്തിയതായി അക്കാദമി ഓഫ് മോഷൻ പിക്ചർ ആർട്സ് ആൻഡ് സയൻസസ് അറിയിച്ചു.
ഹോളിവുഡിലും തന്റേതായ ഇടം കണ്ടെത്തിയ പ്രിയങ്ക ചോപ്ര, മുൻപും ഓസ്കർ വേദിയിൽ അവതാരകയായി എത്തിയിട്ടുണ്ട്. ലോകത്തിലെ ഏറ്റവും വലിയ സിനിമാ പുരസ്കാരമായ ഓസ്കറിന്റെ 98-ാം പതിപ്പ് ലോസ് ഏഞ്ചൽസിലെ ഡോൾബി തിയേറ്ററിലാണ് നടക്കുക. ഹോളിവുഡിലെ പ്രമുഖ താരങ്ങൾക്കൊപ്പം പ്രിയങ്കയും വേദി പങ്കിടും.
നിലവിൽ സിറ്റാഡൽ സീസൺ 2 ഉൾപ്പെടെയുള്ള വമ്പൻ പ്രോജക്റ്റുകളുടെ തിരക്കിലാണ് താരം. ഓസ്കർ വേദിയിൽ പ്രിയങ്ക ഏത് വിഭാഗത്തിലെ അവാർഡാകും സമ്മാനിക്കുക എന്നറിയാനുള്ള ആകാംക്ഷയിലാണ് ആരാധകർ.
