രമേശ് ചെന്നിത്തല രചിച്ച My journey through Gandhi villages മമ്മൂട്ടിയും അടൂരും ചേർന്ന് പ്രകാശനം ചെയ്തു

തിരുവനന്തപുരം: കോൺഗ്രസ് പ്രവർത്തക സമിതി അംഗം രമേശ് ചെന്നിത്തല രചിച്ച ‘ഗാന്ധിഗ്രാമങ്ങളിലൂടെ എന്റെ യാത്ര’ എന്ന പുസ്തകത്തിന്റെ ഇംഗ്ളീഷ് പതിപ്പ് -‘My journey through Gandhi villages’ – നടൻ മമ്മൂട്ടിയും സംവിധായകൻ അടൂർ ഗോപാലകൃഷ്ണനും ചേർന്ന് പ്രകാശനം ചെയ്തു. കേരളത്തിലെ പട്ടികജാതി-പട്ടികവർഗ കോളനികളുടെ സമഗ്ര വികസനം ലക്ഷ്യമിട്ട് ആവിഷ്കരിച്ച ‘ഗാന്ധിഗ്രാം’ പദ്ധതിയുടെ അനുഭവങ്ങളാണ് പുസ്തകത്തിന്റെ പ്രമേയം.

രമേശ് ചെന്നിത്തല കെ.പി.സി.സി അധ്യക്ഷനായിരുന്ന 2012-ലാണ് ഗാന്ധിഗ്രാം പദ്ധതിക്ക് തുടക്കമിട്ടത്. 14 ജില്ലകളിലെയും തിരഞ്ഞെടുത്ത ഗ്രാമങ്ങളിൽ അടിസ്ഥാന സൗകര്യ വികസനം, സാമൂഹിക സുരക്ഷാ പദ്ധതികൾ എന്നിവ നടപ്പിലാക്കിയതിലൂടെ ആ ഗ്രാമങ്ങളുടെ മുഖച്ഛായ മാറിയതെങ്ങനെയെന്ന് പുസ്തകം വിശദീകരിക്കുന്നു