ശാന്തിഗിരി ഡയസ്പോറ സെന്റര്‍ ഉദ്ഘാടനം ചെയ്തു

ഡാളസ് /മാരാമണ്‍ : മാരാമണ്‍ കണ്‍വെന്‍ഷന്‍ നഗറില്‍ നടന്ന ചടങ്ങില്‍ ശാന്തിഗിരി ഡയസ്പോറ സെന്ററിന്റെ ഔദ്യോഗിക ഉദ്ഘാടനം മലങ്കര മാര്‍ത്തോമ്മാ സുറിയാനി സഭയുടെ പരമാധ്യക്ഷന്‍ ഡോ. തിയോഡോഷ്യസ് മാര്‍ത്തോമ്മാ മെത്രാപ്പോലീത്ത നിര്‍വ്വഹിച്ചു. പ്രവാസികളായ സഭാംഗങ്ങളെ മാതൃസഭയുമായി ബന്ധിപ്പിക്കുന്ന ഒരു പാലമായി ഈ കേന്ദ്രം പ്രവര്‍ത്തിക്കുമെന്ന് മെത്രാപ്പോലീത്ത ആശംസിച്ചു.

ഡയസ്പോറ സെന്ററിന്റെ ലോഗോ ഐസക് മാര്‍ ഫിലക്‌സിനോസ് തിരുമേനി പ്രകാശനം ചെയ്തു.

ഡയസ്പോറ എന്‍ഡോവ്മെന്റ് ഫണ്ടിന്റെ ഉദ്ഘാടനം തോമസ് മാര്‍ തിമോത്തിയോസ് തിരുമേനി നിര്‍വ്വഹിച്ചു.

ഡാളസ് ഫാര്‍മേഴ്സ് മാര്‍ത്തോമാ ഇടവകാംഗം  അറ്റോര്‍ണി ലാല്‍ വര്‍ഗീസ് രചിച്ച ‘Faith Journey: Milestones in the History of the Malankara Mar Thoma Syrian Church’ എന്ന പുസ്തകത്തിന്റെ പ്രകാശനം മെത്രാപ്പോലീത്ത നിര്‍വ്വഹിച്ചു. നോര്‍ത്ത് അമേരിക്ക – യൂറോപ്പ് ഭദ്രാസന അധ്യക്ഷന്‍ എബ്രഹാം മാര്‍ പൗലോസ് തിരുമേനി ആദ്യപ്രതി ഏറ്റുവാങ്ങി

ചടങ്ങില്‍ ജോസഫ് മാര്‍ ഇവാനിയോസ് തിരുമേനിയുടെ സാന്നിധ്യവും അനുഗ്രഹമായി. ശാന്തിഗിരി ആശ്രമം ഡയറക്ടര്‍ റവ. തോമസ് കെ. മാത്യു, സെക്രട്ടറി പ്രതീഷ് കുവൂര്‍, ട്രഷറര്‍ ഉമ്മന്‍ ജോണ്‍സണ്‍, അറ്റോര്‍ണി ലാല്‍ വര്‍ഗീസ് (കോര്‍ഡിനേറ്റര്‍) എന്നിവര്‍ ചടങ്ങുകള്‍ക്ക് നേതൃത്വം നല്‍കി. വിവിധ സഭാ കൗണ്‍സില്‍ അംഗങ്ങളും വൈദികരും വിശ്വാസികളും ചടങ്ങില്‍ സംബന്ധിച്ചു [05:33].

കൂടുതല്‍ വിവരങ്ങള്‍ക്കായി താഴെ നല്‍കിയിരിക്കുന്ന വീഡിയോ ലിങ്ക് സന്ദര്‍ശിക്കാവുന്നതാണ്: