‘ഒരുമ’ നയിക്കുന്ന സാറ്റ് ഡയഗ്നോസ്റ്റിക് ടെസ്റ്റും ശില്പശാലയും

ഹ്യുസ്റ്റൺ: ഷുഗർലാൻഡ് റിവർസ്റ്റോൺ മലയാളീ കൂട്ടായ്‌മയായ ഒരുമയുടെ 2026 -27  വർഷത്തെ നവ സാരഥ്യം ഡോ : ജോസ് തൈപ്പറമ്പിലിന്റെ നേതൃത്വത്തിൽ പ്രവർത്തനക്ഷമമായി കഴിഞ്ഞു. വിദ്യാഭ്യാസ രംഗത്ത് സംഭാവനകൾ നല്കാൻ ഒരുമ പ്രതിജ്ഞാബദ്ധമാണ് . അതിനു മുന്നോടിയായി ഈ പുതു നേതൃത്വത്തിന്റെ പ്രഥമ സംരഭമായ സാറ്റ്  ഡയഗ്നോസ്റ്റിക് ടെസ്റ്റും  ശില്പശാലയും ഈ മാസം 28 ഉച്ച തിരിഞ്ഞു 1 മണി മുതൽ 5 മണി വരെ മിസ്സോറി സിറ്റിയിലുള്ള അപ്പന ബസാർ പാർട്ടി ഹാളിൽ വെച്ച് നടത്തുന്നതാണ്. 

കലാലയ വിദ്യാഭ്യാസത്തിലേക്കുള്ള  ആദ്യ കാൽവെപ്പായ ഈ സാറ്റ് പരീക്ഷ പരിശീലനം ഒരുമയും, ശ്രീ രാമാനാ അറ്റ്മകുരു അധ്യക്ഷനായുള്ള ഉന്നത വിദ്യാഭ്യാസ പരിശീലന മേഖലയിലെ പ്രമുഖ സ്ഥാപനമായ രാമാനാ  ഗ്രൂപ്പും ചേർന്നാണ് സമർപ്പിക്കുന്നത്. ഇതിനോടകം പങ്കാളികൾ ആകാത്ത വിദ്യാർഥികൾ ഇതിൽ പങ്കാളികൾ ആകാൻ ഇതോടൊപ്പമുള്ള ഗൂഗിൾ ഫോം രെജിസ്ട്രേഷൻ നിർബന്ധമായും ചെയ്യേണ്ടതാണ് . ഒരുമ സംഘടനാ കുടുംബത്തിലെ വിദ്യാർത്ഥികൾ രജിസ്റ്റർ ചെയ്യുന്നതോടൊപ്പം മറ്റ് സബ്ഡിവിഷനിലെ അവരുടെ സുഹൃത്തുക്കളെ ക്കൂടി ഈ സംരംഭത്തിൽ പങ്കാളികളാക്കാൻ താത്പര്യപ്പെടുന്നു.

Report ജോസഫ് തോമസ്, ഹ്യുസ്റ്റൺ