ബ്രൺസ്വിക് : അമേരിക്കൻ പൊതുജീവിതത്തിൽ നിർണായക സ്വാധീനം ചെലുത്താൻ പോകുന്ന 50 വ്യക്തികളുടെ പട്ടികയിൽ പ്രമുഖ പൊതുജനാരോഗ്യ വിദഗ്ധൻ ഡോ. നിരവ് ഷാ ഇടംപിടിച്ചു. പ്രശസ്ത മാധ്യമമായ ‘ദി വാഷിങ്ടൻ പോസ്റ്റ്’ ആണ് ഈ പട്ടിക തയാറാക്കിയത്.
മെയിൻ സംസ്ഥാനത്തെ ഗവർണർ സ്ഥാനത്തേക്ക് മത്സരിക്കാനുള്ള തയാറെടുപ്പിലാണ് അദ്ദേഹം. ഡെമോക്രാറ്റിക് പ്രൈമറി സർവേകളിൽ അദ്ദേഹം മുൻപന്തിയിലാണ്. ശാസ്ത്രം, ആരോഗ്യം, ബിസിനസ് തുടങ്ങിയ മേഖലകളിൽ രാജ്യത്തെ സ്വാധീനിക്കുന്ന വ്യക്തികളെയാണ് ഈ പട്ടികയിൽ ഉൾപ്പെടുത്തുന്നത്.
കോവിഡ്-19 കാലത്ത് മെയിൻ സിഡിസി (CDC) ഡയറക്ടറായി മികച്ച പ്രവർത്തനം കാഴ്ചവച്ചതിലൂടെയാണ് അദ്ദേഹം ശ്രദ്ധിക്കപ്പെട്ടത്. പിന്നീട് ബൈഡൻ ഭരണകൂടം അദ്ദേഹത്തെ യുഎസ് സിഡിസിയുടെ പ്രിൻസിപ്പൽ ഡെപ്യൂട്ടി ഡയറക്ടറായി നിയമിച്ചു.
