ചിക്കാഗോ : മലയാളി അസോസിയേഷൻ ഓഫ് റെസ്പിറേറ്ററി കെയർ (MARC) 2025-27 വർഷത്തേക്ക് തെരഞ്ഞെടുക്കപ്പെട്ട ഭരണസമിതിയുടെ പ്രവർത്തന ഉദ്ഘാടനവും, ജൂബിലി കിക്ക്-ഓഫും, ഫാമിലി നൈറ്റും 2026 ഫെബ്രുവരി 7 ശനിയാഴ്ച വൈകിട്ട് 6-ന് മോർട്ടൻ ഗ്രോവിലുള്ള സെന്റ് മേരീസ് ക്നാനായ ചർച്ച് ഓഡിറ്റോറിയത്തിൽ വെച്ച് നടക്കും.
സംഘടനയുടെ ഭാവി പ്രവർത്തനങ്ങൾക്ക് പുതിയ ദിശാബോധവും ഊർജ്ജവും നൽകുന്ന ഈ പരിപാടിയിൽ, പുതിയ ഭരണസമിതി ഔദ്യോഗികമായി ചുമതലയേൽക്കും. മാർക്കിന്റെ സേവനപരവും വിദ്യാഭ്യാസപരവുമായ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിന് ഉദ്ദേശിച്ചുള്ള നിരവധി പദ്ധതികളുടെ പ്രഖ്യാപനങ്ങളും ഈ ചടങ്ങിന്റെ ഭാഗമായി ഉണ്ടാകുമെന്ന് ഭാരവാഹികൾ അറിയിച്ചു.
പുതിയ ഭരണസമിതി അംഗങ്ങൾ:
- പ്രസിഡന്റ്: ടോം ജോസ്
- വൈസ് പ്രസിഡന്റ്: സണ്ണി കൊട്ടുകാപ്പള്ളി
- സെക്രട്ടറി: സമ ജോർജ്
- ജോയിന്റ് സെക്രട്ടറി: റോണിഷ് മാത്യു
- ട്രഷറർ: സണ്ണി സ്കറിയ
- ജോയിന്റ് ട്രഷറർ: സന്തോഷ് വി. ജോർജ്
- എഡ്യൂക്കേഷണൽ കോർഡിനേറ്റേഴ്സ്: എൽസ വീട്ടേൽ, ട്രീസ ഷെയ്
- ജനറൽ ഓർഗനൈസർ: ബിൻസി ഏലിയാസ്
- അഡ്വൈസറി ബോർഡ് അംഗങ്ങൾ: ബെൻസി ബെനഡിക്ട്, ജോർജ് മത്തായി, രഞ്ജി വർഗീസ്, സ്കറിയക്കുട്ടി തോമസ്, വിജയ് വിൻസെന്റ്
- പി.ആർ.ഒ: ബിജു മുണ്ടക്കൽ
- ഓഡിറ്റർ: ടോം കാലായിൽ
പ്രവർത്തന ഉദ്ഘാടനത്തോടനുബന്ധിച്ച് വിവിധ കലാപരിപാടികളും ഹോളിഡേ പാർട്ടിയും ഉൾപ്പെടെ വിപുലമായ ആഘോഷങ്ങളാണ് സംഘടിപ്പിച്ചിരിക്കുന്നത്. പ്രസ്തുത പരിപാടിയിലേക്ക് എല്ലാ മലയാളി റെസ്പിറേറ്ററി കെയർ അസോസിയേഷൻ അംഗങ്ങളെയും ക്ഷണിക്കുന്നതായി എക്സിക്യൂട്ടീവ് കമ്മിറ്റി അറിയിച്ചു. പ്രവേശനം പാസ്സ് മൂലം നിയന്ത്രിക്കുന്നതാണ്.
Leave a comment