‘ഈ കീർത്തിചക്രയിലേറെ അഭിമാനം’ ഭർത്താവിനെക്കുറിച്ച് ലെന

ഇന്ത്യയുടെ അഭിമാന പദ്ധതിയായ ഗഗൻയാൻ ദൗത്യത്തിന്റെ തലവനായ പ്രശാന്ത് ബാലകൃഷ്ണന് കീര്‍ത്തിചക്ര  നൽകി രാജ്യം ആദരിച്ചിരിന്നു. പ്രശാന്തിന് ലഭിച്ച അംഗീകാരത്തിൽ സന്തോഷം പ്രകടിപ്പിച്ച് ന‍ടിയും പ്രശാന്തിന്റെ ഭാര്യയുമായ ലെന. താരം ഇൻസ്റ്റാഗ്രാമിൽ പങ്കുവച്ച ഹൃദയസ്പർശിയായ അഭിനന്ദന കുറിപ്പ് ഇതിനോടകം തന്നെ സോഷ്യൽ മീഡിയയിൽ വൈറലായിട്ടുണ്ട് .

‘എന്റെ ഭർത്താവിനെ ഓർത്ത് ഏറെ അഭിമാനിക്കുന്നു, കീർത്തി ചക്ര നൽകി രാജ്യം അദ്ദേഹത്തെ ആദരിച്ചിരിക്കുന്നു.’ എന്നാണ് പ്രശാന്തിനെ ടാഗ് ചെയ്തുകൊണ്ട് ലെന കുറിച്ചത്.  ഗ്രൂപ്പ് ക്യാപ്റ്റൻ പ്രശാന്ത് നായർക്കൊപ്പം അശോക് ചക്ര നേടിയ സഹപ്രവർത്തകൻ ഗ്രൂപ്പ് ക്യാപ്റ്റൻ ശുഭാൻഷു ശുക്ലയ്ക്കും ലെന ആശംസകൾ നേർന്നു. ‘ശുഭാൻഷു ശുക്ലയ്ക്ക് അഭിനന്ദനങ്ങൾ’ എന്നാണ് ലെന തന്റെ പോസ്റ്റിൽ കുറിച്ചത്.

കഴിഞ്ഞ വർഷമാണ് ഗ്രൂപ്പ് ക്യാപ്റ്റൻ പ്രശാന്ത് ബാലകൃഷ്ണൻ നായരും ലെനയും തമ്മിലുള്ള വിവാഹം നടന്നത്. രാജ്യത്തിന്റെ സുപ്രധാനമായ ഗഗൻയാൻ ദൗത്യത്തിന്റെ ഭാഗമായ ഉദ്യോഗസ്ഥരെ രാജ്യം പരമോന്നത ധീരതാ പുരസ്‌കാരങ്ങൾ നൽകി ആദരിക്കുമ്പോൾ, അത് ഓരോ മലയാളിക്കും അഭിമാനമായി മാറുകയാണ്. നിരവധി സിനിമാ താരങ്ങളും ആരാധകരും പ്രശാന്തിനും ശുഭാൻഷുവിനും അഭിനന്ദനങ്ങളുമായി എത്തുന്നുണ്ട്.