കൊച്ചി: നടന് മോഹന്ലാലിന്റെ അമ്മ ശാന്തകുമാരിയമ്മ (90) അന്തരിച്ചു. പക്ഷാഘാതത്തെ തുടര്ന്ന് 10 വര്ഷത്തിലേറെയായി ചികിത്സയിലായിരുന്നു ശാന്തകുമാരിയമ്മ. പത്തനംതിട്ട ഇലന്തൂർ സ്വദേശിയാണ് ശാന്തകുമാരി. നിയമ സെക്രട്ടറിയായിരുന്ന പരേതനായ വിശ്വനാഥന് നായരാണ് ഭര്ത്താവ്. മൂത്തമകന് പ്യാരിലാല് 2000 ല് മരണപ്പെട്ടിരുന്നു.
കൊച്ചി എളമക്കരയിലെയിലെ മോഹന്ലാലിന്റെ വസതിയിലായിരുന്നു താമസം. അമ്മയുമായി അതീവ ഹൃദയബന്ധം പുലര്ത്തിയിരുന്ന മോഹന്ലാല്, തിരക്കുകള്ക്കിടയിലും അമ്മയുടെ പരിചരണത്തിനായി സമയം കണ്ടെത്തിയിരുന്നു. മലയാളികളുടെ പ്രിയതാരം മോഹന്ലാലിന്റെ സിനിമാ ജീവിതത്തിലെ വലിയൊരു സ്വാധീനമായിരുന്നു ശാന്തകുമാരി. പല വേദികളിലും അദ്ദേഹം അത് തുറന്നുപറയുകയും ചെയ്തിട്ടുണ്ട്. അടുത്തിടെ തനിക്ക് ലഭിച്ച ദാദാ സാഹേബ് ഫാല്ക്കേ പുരസ്കാര നേട്ടം അമ്മയ്ക്കൊപ്പം പങ്കുവെക്കാന് സാധിച്ചത് വലിയ ഭാഗ്യമെന്ന് മോഹന്ലാല് പ്രതികരിച്ചിരുന്നു. പുരസ്കാരം ലഭിച്ചവിവരം അറിഞ്ഞ് നടന് ആദ്യം സന്ദര്ശിച്ചതും അമ്മയെ ആയിരുന്നു.
പല വേദികളിലും അമ്മയെക്കുറിച്ച് അതിവൈകാരികമായി ലാല് സംസാരിച്ചിട്ടുണ്ട്. 89ാം പിറന്നാള് ദിനത്തില് അമ്മയ്ക്കായി മോഹന്ലാല് എളമക്കരയിലെ വീട്ടില് സംഗീതാര്ച്ചന നടത്തിയിരുന്നു.
വിശ്വശാന്തി ഫൗണ്ടേഷൻ എന്ന മോഹൻലാലിന്റെ ചാരിറ്റബിൾ ട്രസ്റ്റിന് പേര് നൽകിയത് അച്ഛന്റെയും അമ്മയുടെയും പേര് ചേർത്താണ്.
