കണക്ടിക്കട്ട്: കേരള അസോസിയേഷൻ ഓഫ് കണക്ടിക്കട്ട് (KACT) തിരഞ്ഞെടുപ്പിൽ മത്സരിക്കുന്ന ‘ടീം പ്രതീക്ഷ’ പാനൽ തെരഞ്ഞെടുപ്പിന് മുമ്പുതന്നെ സമൂഹത്തോടൊപ്പം ചേർന്ന് പ്രവർത്തിച്ചുകൊണ്ട് തങ്ങളുടെ ദർശനവും പ്രതിബദ്ധതയും പ്രവൃത്തിയിലൂടെ തന്നെ തെളിയിക്കുന്നു.
മലയാളി കൂട്ടായ്മകൾക്ക് മാതൃകയായി ‘ടീം പ്രതീക്ഷ’ മുന്നോട്ട് വരുന്നു. മലയാളികളെ മാത്രം ഉൾക്കൊള്ളുന്ന ഒരു കൂട്ടായ്മ എന്ന പരിധി മറികടന്ന്, സമൂഹത്തിലെ മറ്റു വിഭാഗങ്ങളുമായും ചേർന്ന് പ്രവർത്തിക്കേണ്ടതിന്റെ ആവശ്യകത ശക്തമായി മുന്നോട്ടുവയ്ക്കുകയാണ് ടീം പ്രതീക്ഷ. അശരണർക്കും വീടില്ലാത്തവർക്കുമായി ഭക്ഷണം വിതരണം ചെയ്യുന്നതുൾപ്പെടെയുള്ള സേവന പ്രവർത്തനങ്ങളിലൂടെ ‘ടീം പ്രതീക്ഷ’ കരുണയും സഹകരണവും അടിസ്ഥാനമാക്കിയ ഒരു സാമൂഹിക മാതൃകയായി മാറിക്കൊണ്ടിരിക്കുകയാണ്.
അടുത്തിടെ സൗത്ത് വിൻസർ പോലീസ് സ്റ്റേഷനിലും ഫയർ സ്റ്റേഷനിലും സേവനമനുഷ്ഠിക്കുന്ന ഉദ്യോഗസ്ഥർക്കായി ഉച്ചഭക്ഷണം വിതരണം ചെയ്തതോടൊപ്പം, ഹോംലെസ് ഷെൽട്ടറുകളിലും അവർ ഭക്ഷണവിതരണം നടത്തി. ഈ പ്രവർത്തനങ്ങളിലൂടെ അവർ വിളിച്ചോതുന്ന സന്ദേശം വളരെ വ്യക്തമാണ് — കാലം മാറിയിരിക്കുന്നു, അതിനൊപ്പം നമ്മുടെ ചിന്തകളും വികാരങ്ങളും മാറണം.
എല്ലാവരെയും ഒരുമിച്ചു കൊണ്ടുപോയി, സമൂഹമായി ചേർന്ന് പ്രവർത്തിക്കുകയാണ് ഇന്നത്തെ ഏറ്റവും വലിയ ആവശ്യം. വാഗ്ദാനങ്ങളിലൊതുങ്ങാതെ, സേവനത്തിലൂടെ ഉദാഹരണം സൃഷ്ടിച്ചുകൊണ്ട് അവർ സമൂഹത്തിനുള്ളിൽ ഒരു കൂട്ടായ്മയുടെ ആത്മാവാണ് രൂപപ്പെടുത്തുന്നത്. ഇതുവരെ നടത്തിയ സേവനങ്ങൾ മാത്രമല്ല, വരുംകാലങ്ങളിൽ കൂടുതൽ നല്ല കാര്യങ്ങൾ ചെയ്യണമെന്ന ഉറച്ച ആഗ്രഹത്തോടെയുള്ള ഈ തുടക്കം തന്നെയാണ് ‘ടീം പ്രതീക്ഷ’യെ പ്രത്യേകമാക്കുന്നത്.
ടീം പ്രതീക്ഷയുടെ പ്രസിഡണ്ട് സ്ഥാനാർഥി നീതു മാത്യൂസിന്റെ നേതൃത്വത്തിലുള്ള ഈ കൂട്ടായ്മ, മലയാളി സമൂഹങ്ങൾക്ക് ഒരു പ്രചോദനവും മാതൃകയുമായി മാറുകയാണ്
